APOCALIPSIS 18:20 - Dios Rimashcata Quillcashcami

²⁰ ¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

Nuevo Testamento en Quichua Cañar 1996

²⁰ ¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Taita Diosca chai pueblotaca chashna llaquichishca.

APOCALIPSIS 18:20 Iomraidhean Croise

SALMOS 107:42

Allita ruhuaccuna chaita ricushpa cushicuichicyari. Ashtahuanpish mapata tucui ruhuaccunaca upallachishcami canga.

SALMOS 109:28

Paicuna maldiciacpipish, canca bendiciaiyari. Paicuna ñucata llaquichingapac jataricpipish pingaichishca cachun. Shina cacpipish, canta servicca cushilla cachun.

SALMOS 18:47

Paica ñucata llaquichiccunata llaquichic Diosmi. Shuctac gentecunata ñuca chaqui ucupi churacmi.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

PROVERBIOS 11:10

Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

ISAÍAS 26:21

Riquichic, Mandac Diosca cai pachapi causaccuna paita piñashpa, mana allita ruhuashcamantami llaquichingapac jatarigrin. Allpapish paipac jahuapi huañuchishpa, yahuarta jichashcata ricuchingami. Paipac jahuapi huañuchishcataca mana ashtahuan pacangachu» nirca.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

SOFONÍAS 3:15

Mandac Diosca cancunata mana llaquichingachu. Cancunata piñaccunatapish llucchishpa cachashcami. ¡Israelcunata jatun Mandac Diosca cancunapac chaupipimi! ¡Jaicapi ima llaquita mana manchanguichicchu!

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Diosca Jesús acllashca huillaccunaman, Pai acllashca huillaccunamanpish ricuchishca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

SAN JUDAS 1:17

Shina cacpipish cuyashca criccuna, ñucanchic Apunchic Jesús acllashca huillaccuna ñaupaman ima nishcacunataca, alli yuyarichic.

APOCALIPSIS 12:12

¡Jahua pachapi causaccuna cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita piñarishpa jahua pachamanta cancunapacman urai rirca» nictami uyarcani.

APOCALIPSIS 18:6

¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.