APOCALIPSIS 18:19 - Dios Rimashcata Quillcashcami

¹⁹ Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

Nuevo Testamento en Quichua Cañar 1996

¹⁹ Shina nishpaca, mai llaquirishpa yallita huacashpami, ñutu allpata umapi churashpaca: —¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca— nishpami caparingacuna.

APOCALIPSIS 18:19 Iomraidhean Croise

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

NEHEMÍAS 9:1

Chai quilla ishcai chunga chuscu punzhapimi israelcunaca llaquilla tucushpa, sharpa churanata churarishpa, allpata umapi tallishpa ayunangapac tandanacurca.

JOB 2:12

Chai runacunaca carumanta ricushpaca mana ricsircacunachu. Chaimantami yallita caparishpa huacarcacuna. Paicunapac jahualla churanatapish lliquishpami, quimsata paicunapac umapi allpata shitarircacuna.

ISAÍAS 13:19

Tucui llactamanta yalli sumac Babilonia llactapish, chaipi causac mai alli nishca caldeocunapish Dios ñucallatac tucuchishca Sodoma, Gomorra shinami tucuringa.

LAMENTACIONES 2:10

Sionpi causaccunata pushac yuyaccunaca pambapi tiyarishpami upalla saquirirca. Llaquirishpa umapi uchupata churashpami, sharpa churanata churarirca. Jerusalenpi causac solteracunapish allpacamanmi cumurirca.

EZEQUIEL 27:30

Canmantami llaquinayaita caparishpa huacashca uyaringa. Umapi allpata churashpami, uchupapi singunga.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.

1 SAMUEL 4:12

Chai punzhallatacmi Benjamín aillupuramanta shuc runa chai macanacuimanta miticushpa, Silo puebloman churanapish lliquirishca, umapish allpalla chayarca.