APOCALIPSIS 18:17 - Dios Rimashcata Quillcashcami

¹⁷ Cai tucui charishcacunaca shuc ñahui quimllaillapimi tucui tucurishca» ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayarircacuna.

Nuevo Testamento en Quichua Cañar 1996

¹⁷ Cai tucui charishcacunaca shuc ñahui quimllaillapimi tucui tucurishca— ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayacungacuna.

APOCALIPSIS 18:17 Iomraidhean Croise

ISAÍAS 23:14

Tarsis llactamanta jatun barcocunata purichiccunalla, caparishpa huacaichicyari. Cancunapac sinchi torrecunaca tucurishcami.

ISAÍAS 47:9

Shina yuyacucpipish, cai ishcai llaquicunami cungailla japinga. Yachac cacpipish, brujeriata ruhuacucpipish, chai llaquicunaca japingami. Chai punzhallapitacmi viudapish, cusa illacpish saquiringui.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

HECHOS 27:11

Patsac soldadocunata mandacca Pablo nishcata mana uyarcachu, ashtahuanpish barcota purichic, barcoyuc nishcatami ashtahuan cazurca.

APOCALIPSIS 17:12

Can ricushca chai chunga gachucunaca chunga jatun mandaccunatami nisha nin. Chai mandaccunaca manarac mandancunachu. Shina cashpapish shuc pachallatacmi chai manchana animalhuan ishcai tucushpa mandanata chasquinga.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.