APOCALIPSIS 18:13 - Dios Rimashcata Quillcashcami

¹³ Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.

Nuevo Testamento en Quichua Cañar 1996

¹³ Shinallatac canela, mishquilla ashnacuccuna, incienso, mirra,*f** mishquiman ashnacuc jambicuna, vino, aceite, cutashca jarina, trigo, aparic animalcuna, ovejacuna, caballocuna, carrocuna, amopacta ruhuac gentecunapish carcami.

APOCALIPSIS 18:13 Iomraidhean Croise

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 10:15

Randishpa catushpa causaccuna, mishquilla ashnacuc jambinacunata caru llactamanta apamushpa catuccuna Arabia llactata tucui jatun mandaccuna pai mandacuc llactapi churashca mandaccuna cushcacunacarin mana yupashcami carca.

1 REYES 10:25

Tucui paiman cungapacca curimanta, cullquimanta ruhuashca alaja charinacunata, churarinacunata, macanacunata, mishquilla ashnacuc jambicunata, caballocunatami huatanta apamuccuna carca.

1 CRÓNICAS 5:21

Paicunapac animalcunamantaca pichca chunga huaranga camellota, ishcai patsac pichca chunga huaranga ovejata, ishcai huaranga burrotami aparcacuna. Shinallatac patsac huaranga gentecunatami prezu aparcacuna.

2 CRÓNICAS 9:9

Shina nishca quipami, chai huarmica patsac ishcai chunga talento curita, mishquilla ashnacuc achca jambinacunata, alaja rumicunata, jatun mandacman curca. Sabá llactata jatun mandac huarmi jatun mandac Salomonman mishquilla ashnacucta achcata cungapac apamushca shinaca, jaicapi pi manarac apamurcachu.

NEHEMÍAS 5:8

tandachishpaca: —Ñucanchicca, ñucanchic pudishcahuanmi Judá llactapi causac cancunapac huauquicunata, shuctac llacta millai gentecunaman catushcataca cutin randishpa cutichimushcanchic. ¡Shina cacpipish, cancunaca ñucanchicllatac cutin randichunmi cancunapac huauquicunataca cutin catucunguichic!— nircani. Chashna nicpi, paicuna upalla saquiricpimi,

ÉXODO 21:16

Maijanpish shuc runata shuhuashpa, catushca cashpa, mana cashpaca paipac maquipi charicushpaca, chai runaca huañunami can.

PROVERBIOS 7:17

Mishquilla ashnacuc mirrahuan, aloehuan shinallatac canelahuanmi mishquillata ruhuarcani

CANTARES 1:3

Cambac shutica mishquilla ashnacucta tallishca shinami. Chaimantami carihuan manarac chayarishca solteracunaca cuyan.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

CANTARES 5:5

Ñuca cuyashcata yaicuchingapacmi jatarishpa punguta pascagrircani. Ñuca maquicunamantaca mirrami shuturca. Aldabata pascacucpipish ñuca dedocunataca mirrami yacu shina callparca.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

EZEQUIEL 27:13

Grecia, Tubal, Mesec llacta gentecunahuanmi randishpa, catushpa causarcangui. Paicunaca gentecunahuan, broncemanta ruhuashcacunahuanmi randic carca.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

AMÓS 8:6

Huacchacuna mana pagai pudishpaca ñucanchicta serviccunami tucunga. Imata mana chariccunaca ushutamantami ñucanchicta servic tucunga. Lanchashca trigotapish catushunmi» ninguichicmi.

DEUTERONOMIO 24:7

Maijan huauquita shuhuashpa, llaquichishpa charicucpi, mana cashpaca catushca cacpi, yachac chayashpaca, chai shuhuactaca huañuchinami canguichic. Chashna ruhuashpami, cancunapac chaupimanta millaita anchuchinguichic.

DEUTERONOMIO 28:68

Mandac Diosca: “Egipto llactamanca manatac cai ñantaca cutinguichicchu” nircami. Shina cacpipish, chai ñanllatatacmi barcopi apanga. Chai llactapimi caripish, huarmipish cancunata piñaccunata servingapac caturisha ninguichic. Shina yuyacucpipish pi mana randisha ningachu» nirca.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

APOCALIPSIS 18:14

Shinallatac chai pueblotaca: «Can mai munashca micunacunataca ña mana charinguichu. Can tucui chai sumaimana charishcacunaca huiñaipacmi chingarishca» ningacuna.

APOCALIPSIS 18:15

Chai pueblopi catushpa randishpa chayucyaccunaca chai llaquichicushcata ricushpami manchaihuan yallita huacashpa carupi saquiringacuna.