APOCALIPSIS 18:12 - Dios Rimashcata Quillcashcami

¹² Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

Nuevo Testamento en Quichua Cañar 1996

¹² Chai c'atunacunaca curi, cullqui, sumac rumicuna, perlascunami carca. Shinallatac valishca lienso, seda, morado, puca pañucunami carca. Shinallatac tucui laya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 18:12 Iomraidhean Croise

2 CRÓNICAS 2:8

Shinallatac Líbano urcumanta cedro caspicunata, ciprés caspicunata, sándalo caspicunata cachai. Canta serviccunaca Líbano urcupi caspicunata pitinata alli yachaccunami can. Riqui, canta serviccunata ayudachunca, ñucata serviccunatami cachagrini.

NAHÚM 2:9

¡Cullquitapish, curitapish apaichiclla! ¡Chai tucui sumac charishcacunaca, mashnata apacucpipish, mana tucurinchu!

APOCALIPSIS 17:3

Chai quipaca Diospac Espíritu ñucata japicpi shitashca pambaman ángel pushacpimi, shuc huarmi chai manchana puca animalpi montashca tiyacucta ricurcani. Chai animalca canchis umayuc, chunga gachuyuc, shinallatac cuerpopica Diosta camishpa quillcashcami carca.

APOCALIPSIS 17:4

Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

APOCALIPSIS 18:15

Chai pueblopi catushpa randishpa chayucyaccunaca chai llaquichicushcata ricushpami manchaihuan yallita huacashpa carupi saquiringacuna.