APOCALIPSIS 17:8 - Dios Rimashcata Quillcashcami

⁸ Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.

Nuevo Testamento en Quichua Cañar 1996

⁸ Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacllami, ucu pacha jutcumantaca llucshinga. Taita Dios cai pachata ruhuashca punzhamanta pacha, huiñaita causangapac quillcachina libropi mana quillcachishca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami manchangacuna.

APOCALIPSIS 17:8 Iomraidhean Croise

SALMOS 69:28

Shuticunatapish causaccunapac quillcashca libromanta anchuchishca cachun. Shinallatac cashcata ruhuaccunahuan pactaca ama quillcashca cachun.

DANIEL 11:45

Mandashpa tiyana carpa huasicunataca mama cuchahuan, Diospaclla urcuhuan chaupipimi shayachinga. Shina cashpapish chaipimi paica tucuringa, paitaca pi mana ayudangachu.

DANIEL 7:11

Shinallatac gachuca millai rimaicunatami rimacurca. Chai manchaipac animalta huañuchishpa, cuerpota polvoshpa ninapi shitactapish ricurcanimi.

DANIEL 7:26

Shina cacpipish, mandanapi tiyarishpami, pai mandanata quichushpa huiñaita tucuchinga.

DANIEL 7:3

Shinallatac mama cuchamanta chican chican chuscu manchana jatun animalcuna shamucuctapish ricurcanimi.

DANIEL 7:7

Tuta camapi siricushpallatacmi chuscuniqui manchanaipac animalta muscuipi shina ricurcani. Chai animalca millai sinchi animalmi carca. Shinallatac jatun fierro quiruyucmi carca. Tucuita polvoshpa micushpami, puchutaca chaquihuan sarucurca. Chai animalca utcapi ricurishca animalcunamanta shuctaclaya, shinallatac chunga gachuyucmi carca.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SAN LUCAS 10:20

Shina cacpipish, ama supaicuna cazushcallamanta cushicuichicchu, ashtahuanpish cancunapac shuticuna jahua pacha libropi quillcashca cashcamanta cushicuichic— nirca.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarca.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

HECHOS 15:18

Ñaupamanta pacha tucui ima tucuna cashcata huillac Mandac Dios ñucami, chashnaca nini” ninmi.

EFESIOS 1:4

Diosca paipac cuyaimantami manarac cai pachata ruhuashpa, ñucanchictaca jucha illac paipac ñaupapi paipaclla cachun acllashca.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

APOCALIPSIS 11:7

Tucuita huillashca quipaca, manchaipac animal jatun jutcumanta llucshishpami, paicunahuan macanacushpa, atishpa huañuchinga.

APOCALIPSIS 17:11

Ñaupaman tiyashca, cunanca mana tiyac manchana animalca chai canchis mandaccunapuramanta cashpapish, pusacniqui mandacmi. Paimi huiñaita jatun llaquipi chingarinaman ricun.

APOCALIPSIS 17:2

Chai huarmihuanmi cai pachapi tiyac jatun mandaccunaca huainayarca. Tucui llacta gentecunapish paihuanmi vinota ubiashpa machac shina huacllirircacuna» nirca.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

APOCALIPSIS 3:5

Maijanpish millaita mishacca, yuranlla churana churashcami canga. Paipac shutitapish causaiman rina libropi quillcashcataca mana anchuchishachu, ashtahuanpish ñuca Taitapac, shinallatac paipac angelcunapac ñaupapimi paitaca ñucapacmi nisha.