APOCALIPSIS 17:4 - Dios Rimashcata Quillcashcami

⁴ Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

Nuevo Testamento en Quichua Cañar 1996

⁴ Chai huarmica morado, shinallatac amsa puca churanata churashcami carca. Shinallatac curihuanpish, sumac rumihuanpish, perlashuanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

APOCALIPSIS 17:4 Iomraidhean Croise

1 REYES 14:24

Chashnallatac allitami ruhuacunchic nishpami chai llactapi causac caricunaca huarmicunahuan sueñuc shinallatac caripura huaclliriccuna carca. Israelcunapac ñaupamanta Mandac Dios llucchishpa cachashca millai gentecuna ruhuashpa causashca shinallatacmi, paicunapish ruhuarca.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

ESDRAS 9:11

Chai mandashcacunataca can Diosmi, can ima nishcata huillac canta serviccunata huillachishpaca: “Cancuna causangapac japigricushca llactaca chai llactapi causaccuna yallita mapayachishcamantami mapa junda tucushca. Caishuc ladomanta chaishuc ladocamanmi mapa junda.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

JEREMÍAS 51:7

Babilonia llactaca Mandac Diospac maquipica curi copa shinami carca. Chai copa vinohuanmi tucui llactapi causaccunata machachirca. Chaita ubiashpaca tucuimi yuyaita chingachirca.

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

EZEQUIEL 20:30

Canca israelcunataca: “Mandac Diosca: ¿Cancunapish cancunapac taitacuna shinachu, mana allita ruhuashpa, ruhuashcalla dioscunata catishpa huainayanguichic?

EZEQUIEL 24:11

Chushaclla mangataca nina jahuapi churashpami, chai mangapi tiyac mapatapish, yanayashcatapish rupachisha.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 28:13

Canca ñucapac Edén huertapimi carcangui. Canca cornerina, topacio, diamante, crisólito, ónice, jaspe, zafiro, turquesa, berilo tucuilaya sumac rumicunahuan allichishca churanahuami carcangui. Cambac churana esquinacunapi tiyac zarcillocunaca curimi carca. Can callarishca punzhamanta pachami chashna allichishca carcangui.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

DANIEL 11:38

Chaipac randica macanacuipi sinchiyachic dioscunata, paipac taitacuna mana ricsishca dioscunatami alli ninga. Chai dioscunaman curita, cullquita, sumac rumicunata, ima valishcacunata cushpami alli ninga.

OSEAS 9:10

Mandac Diosca: «Israelcunataca shitashca pambapi uvasta taric shinami tarircani. Paicunapac ñaupa taitacunataca punta pucushca higota shinami ricurcani. Ashtahuanpish paicunaca ñucamanta anchurishpami, Baal-peor diosta mañashpa pingai tucurca. Chai diosta catishpami millana tucurca.

DEUTERONOMIO 29:17

Chai llactapi causaccuna millaita ruhuac cashcatapish, caspimanta, rumimanta, cullquimanta, curimanta ruhuashca dioscunata charictapish ricurcanguichicmi.

APOCALIPSIS 14:8

Chaipac catic angelca: «¡Babilonia jatun puebloca ñamari tucui tucurin! Paica vinota ubiachic shinami, pai huacllirishpa tucui llactacunapi causaccunata huacllirinapi urmachishca» nirca.

APOCALIPSIS 18:12

Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 18:16

Chashna saquirishpaca: «¡Aij, aij, jatun pueblolla! Canca sumaimana lino nishca morado, shinallatac puca churanata churarishca sumac huarmi shinami carcangui. Shinallatac curihuanpish, sumaimana rumicunahuanpish, perlascunahuanpish allichishcami carcangui.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

APOCALIPSIS 21:21

Chai chunga ishcai pungucunaca chunga ishcai perlacunami carca. Cada pungumi shuclla perlasmanta ruhuashca carca. Chai pueblopi cac jatun ñanca llambuclla vidrio shina curimanta ruhuashcami carca.

APOCALIPSIS 9:21

Shinallatac huañuchinatapish, brujianatapish, huacllirinatapish, shuhuanatapish mana saquircacunachu.