APOCALIPSIS 17:16 - Dios Rimashcata Quillcashcami

¹⁶ Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

Nuevo Testamento en Quichua Cañar 1996

¹⁶ Can ricushca chai chunga gachucunapish, manchana animalpish huaclliric huarmita p'iñashpami, tucuita quichushpa lluchullata shitangacuna. Paipac aichataca micungacunami, shinallatac rupachingacunami.

APOCALIPSIS 17:16 Iomraidhean Croise

JOB 31:31

Ñuca serviccuna: “¿Maijantac aichataca mana nicta, manarac micunguichic?” nishpaca, mana tapurcachu.

SALMOS 27:2

Millaita ruhuaccunapish, ñucata llaquichiccunapish, ñucata piñaccunapish, ñucata tucuchingapac, tandanacushpapish paicunaracmi mitcarishpa urmarca.

DANIEL 7:5

Quipa animalca oso shinami carca. Chai animalpac costillasca shuc ladoca yallimi carca. Quimsa costillasta quirupi canichishpa shimipi apashcami carca. Chai animaltaca: “¡Jatarishpa, sacsangacaman achca aichata micui!” nircami.

LEVÍTICO 21:9

Curapac ushi cullquimanta huainayashpaca, paipac taitatami mapayachin. Chaimantaca paitaca causactami rupachina can.

APOCALIPSIS 12:3

Chai quipaca cutinllatacmi cielopica shuc jatun mancharina ricurirca. Shuc jatun puca dragón animalmi canchis umayuc, chunga gachuyuc, umacunapi corona apashca ricurirca.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.

APOCALIPSIS 17:10

shinallatac canchis jatun mandaccunatami nisha nin. Pichca jatun mandaccunaca ñami tucurirca. Chaimanta shucca mandacunracmi. Shucca manarac mandangapac shamunchu. Shina shamushpapish ashacamanllami mandanga.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.

APOCALIPSIS 19:18

Chai micunaca jatun mandaccunata, soldadocunata mandaccunata, sinchi gentecunata, caballocunata, caballopi caccunata, serviccunata, mana serviccunata, jatuncunata, uchillacunata huañuchishca aichami can» nirca.