APOCALIPSIS 17:15 - Dios Rimashcata Quillcashcami

¹⁵ Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.

Nuevo Testamento en Quichua Cañar 1996

¹⁵ Angelca caitapish nircami: —Chai huaclliric huarmi tiyacushca yacucunaca aillucuna, tauca laya gentecuna, tauca laya rimaita rimaccuna, shinallatac llactacunami can.

APOCALIPSIS 17:15 Iomraidhean Croise

SALMOS 18:4

Huañuchic llaquicunami pilluc shina japirca. Millaicunaca jatun yacu jundac shinami yallita manchachirca.

SALMOS 65:7

Mama cucha yalli huaj nicuctapish, yacucuna manchanayaita jataricpipish canmi casillata ruhuangui. Llactacunapi causaccuna caparinacucpipish, canmi upallachingui.

JEREMÍAS 47:2

Mandac Dios huillashpaca: «Jahua lado llactamantaca yacu tendirishpa shamuc shina, shamushpami cai llactatapish, caipi ima tiyashcatapish, llactatapish, chaipi tucui causaccunatapish tapanga. Shina tapacpica, tucui chaipi causac gentecunami caparishpa huacanga.

JEREMÍAS 51:13

Jatun yacucuna tiyac allpapi causaccunalla, cancunaca chayuccunami canguichic. Cancunapac huañuimi chayamushca.

JEREMÍAS 51:42

Mama cucha yacumi Babilonia llactata tapashca. Manchana yacu jatarishpami tucuchishca.

JEREMÍAS 51:55

Chaica, Mandac Diosmi Babilonia llactata tucuchishpami, caparinacushcatapish upallachinga. Paicunata piñaccunaca mama cucha shinami jataringa. Manchanayaita yacu huacac shinami shamun.

EZEQUIEL 31:4

Chai yurataca tamyapish, allpa ucu yacupishmi huiñachirca. Paipac jatun yacucunaca paipac muyundita rishpami, shuctac yuracunatapish parcurca.

APOCALIPSIS 10:11

Chaita micushca quipaca: «Tauca pueblocunapish, llactacunapish, shuctac shuctac rimaita rimaccunapish, shinallatac jatun mandaccunapish ima tucuna cashcataca cutinmi huillana cangui» nirca.

APOCALIPSIS 11:9

Chai huañushcacunataca tucui aillucunapish, tucuilaya rimaita rimaccunapish, tucuilaya gentecunapish, shinallatac tucui llactacunamanta caccunami quimsa punzha chaupicaman siricucta ricungacuna. Chashna ricushpapish, enterrachunca mana saquingacunachu.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.