APOCALIPSIS 17:10 - Dios Rimashcata Quillcashcami

¹⁰ shinallatac canchis jatun mandaccunatami nisha nin. Pichca jatun mandaccunaca ñami tucurirca. Chaimanta shucca mandacunracmi. Shucca manarac mandangapac shamunchu. Shina shamushpapish ashacamanllami mandanga.

Nuevo Testamento en Quichua Cañar 1996

¹⁰ shinallatac canchis jatun mandaccunatapish nisha ninmi. Pichca jatun mandaccunaca ñami tucurirca. Chaimanta shucca mandacunracmi. Shinallatac shucca manarac mandangapac shamunchu. Shina shamushpapish ashacamanllami mandanga.

APOCALIPSIS 17:10 Iomraidhean Croise

ISAÍAS 23:15

Chai punzhacunapimi Tiro llactaca jatun mandaccuna causana huatapi shina, canchis chunga huatata cungarishca canga. Chai canchis chunga huata quipami Tiro llactapi causaccunaca cullquimanta huainayac huarmita shina, cantana tucunga.

APOCALIPSIS 10:11

Chaita micushca quipaca: «Tauca pueblocunapish, llactacunapish, shuctac shuctac rimaita rimaccunapish, shinallatac jatun mandaccunapish ima tucuna cashcataca cutinmi huillana cangui» nirca.

APOCALIPSIS 13:12

Chai animalca punta animal shinallatacmi paipac ñaupapica poderyuc carca. Shinallatac huañunalla chugrishca alli tucushca punta animaltami cai pachapi causaccunataca “allimari cangui” nichun nirca.

APOCALIPSIS 13:3

Chai animalpac umacunapuramanta shuc umaca yallita chugrishca huañunallami carca. Chashna cacpipish chai chugri alli tucucpimi, tucui cai pachapi causaccunaca mana amirishpa chai animalta catircacuna.

APOCALIPSIS 17:11

Ñaupaman tiyashca, cunanca mana tiyac manchana animalca chai canchis mandaccunapuramanta cashpapish, pusacniqui mandacmi. Paimi huiñaita jatun llaquipi chingarinaman ricun.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.