APOCALIPSIS 16:21 - Dios Rimashcata Quillcashcami

²¹ Jahua pachamantaca shuc quintal shina llashac runducunami tucui gentecunapac jahuapi urmarca. Shina urmashpa yallimana llaquichicpimi, gentecunaca Diosta piñashpa rimarcacuna.

Nuevo Testamento en Quichua Cañar 1996

²¹ Shinallatac jahua pachamantaca shuc quintal shina llashac runducunami tucui gentecunapac jahuapi urmarca. Shina urmashpa yallimana llaquichicpimi, gentecunaca Taita Diosta c'amishpa rimarcacuna.

APOCALIPSIS 16:21 Iomraidhean Croise

JOB 38:22

¿Canca maipi rasu tiyac ucumanpish, rundu tiyac ucumanpish yaicushcanguichu?

JOB 38:23

Chaicunataca llaqui punzhacunapac, jatun macanacui punzhacunapac, jatun huañunacui punzhapacmi huacaichishpa charicuni.

ÉXODO 9:18

Caya cai horasllatacmi Egipto llacta callarishca punzhamanta cunancaman jaicapi mana tiyashca sinchi runduta tamyachigrini.

ÉXODO 9:22

Mandac Diosca Moisestaca: —Tucui Egipto llactapi causac gentecunapi, animalcunapi shinallatac tucuilaya sacha yuracunapi rundu tamyachun, cambac maquita huichaiman alzai— nirca.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

EZEQUIEL 13:11

Chai pircata turuhuan llutaccunataca: Pircaca urmangami ningui. Shinallatac manchana tamyami shamunga. Rumi shina rundu shamushpami chai pircataca urmachinga. Jatun acapana huairami chai pircataca urmachinga.

EZEQUIEL 13:13

Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 16:11

Ashtahuanpish millaita ruhuanataca manatac saquircacunachu. Sisu ungüihuanpish, nanaihuanpish cashpami, jahua pacha Diostaca piñashpa rimarcacuna.

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.