APOCALIPSIS 16:2 - Dios Rimashcata Quillcashcami

² Shina nicpimi shucniqui ángel rishpaca, pai charicushca copata allpapi tallirca. Chashna tallicpica, manchana animalpac sellota chariccunata, shinallatac paiman ricchata alli niccunataca millai sisu ungüimi japirca.

Nuevo Testamento en Quichua Cañar 1996

² Shina nicpi shuc niqui ángel rishpaca, pai charicushca copatami allpapi t'allirca. Chashna t'allicpica, manchana animalpac unanchita charicucta, shinallatac paiman ricchata alli niccunataca millai sisu ung:uimi japirca.

APOCALIPSIS 16:2 Iomraidhean Croise

2 CRÓNICAS 21:15

Cantaca sinchi ungüihuanmi llaquichigrini. Huicsa nanaimi cantaca japigrin. Chai ungüi punzhanta anchayamucpimi, chunzhullicuna llucshishpa huañungui” ninimi» nirca.

2 CRÓNICAS 21:18

Chai quipami Mandac Diosca mana jambiripac huicsa nanaita cachashpa llaquichirca.

SALMOS 78:26

Jahua pachamanta huairata cuyuchishpami, paipac tucuita ruhuac cashcahuan ura lado huairata apamurca.

ISAÍAS 3:17

Chaimantami Mandac Diosca Sionpi causac huarmicunataca sisu ungüihuan lluchu umata ruhuashpa, accha illacta saquisha» ninmi.

ISAÍAS 3:24

Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

DEUTERONOMIO 28:27

Mandac Diosmi cancunataca Egipto llactapi causaccunata llaquichishca shina, sisu ungüihuanpish, chupu ungüihuanpish, shicshi ungüihuanpish llaquichinga. Cancunaca mana jambiri pudinguichicchu.

DEUTERONOMIO 28:35

Mandac Diosmi cancunapac mucucunatapish, changacunatapish, ismuchic ungüihuan llaquichinga. Chaqui pambamanta umacamanmi mana jambiripac ungüihuan llaquichinga.

DEUTERONOMIO 7:15

Mandac Diosca cancunamantaca nanaicunatapish, Egipto llactapi cancuna ricushca, manchana ungüicunatapish anchuchingami. Chai ungüicunaca cancunataca mana japingachu, ashtahuanpish cancunata mana ricunayachic gentecunatami japinga.

APOCALIPSIS 13:12

Chai animalca punta animal shinallatacmi paipac ñaupapica poderyuc carca. Shinallatac huañunalla chugrishca alli tucushca punta animaltami cai pachapi causaccunataca “allimari cangui” nichun nirca.

APOCALIPSIS 14:16

Shina nicpimi chai puyu jahuapi tiyacucca paipac hocis-huan cai pachamanta granota tandarca.

APOCALIPSIS 14:9

Chaipac catic quimsaniqui ángel sinchita rimashpaca: «Maijanpish chai manchana animalta shinallatac paiman ricchata alli nic, mana cashpaca maquipi cashpa, frentepi cashpa sellota churashca cacca,

APOCALIPSIS 16:1

Chai quipaca Diosta mañana huasi ucumantami canchis angelman sinchita rimashpaca: «¡Richic, Dios piñarishpa cachashca canchis copacunapi tiyac llaquichinata allpapi talligrichic!» nishcata uyarcani.

APOCALIPSIS 16:11

Ashtahuanpish millaita ruhuanataca manatac saquircacunachu. Sisu ungüihuanpish, nanaihuanpish cashpami, jahua pacha Diostaca piñashpa rimarcacuna.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.

1 SAMUEL 5:6

Mandac Diosca Asdod pueblopi causaccunataca ashtahuanmi llaquichic callarirca. Shinami Asdod pueblopipish, chai muyundi llactacunapipish chupu ungüihuan yallita llaquichishpa tucuchirca.

1 SAMUEL 5:9

Chai puebloman apacpimi, Mandac Diosca chai pueblopi causaccunahuan piñarishpa, yallita llaquichirca. Chai pueblopi causaccunataca uchillacunamanta callarishpaca yuyaccunacamanmi chupu ungüihuan manchanayaita llaquichirca.