APOCALIPSIS 16:10 - Dios Rimashcata Quillcashcami

¹⁰ Pichcaniqui angelca manchana animal mandashpa tiyarinapimi pai charicushca copata tallirca. Shina tallicpica, pai mandana amsa pura tucucpimi gentecunaca nanaihuan calluta canirirca.

Nuevo Testamento en Quichua Cañar 1996

¹⁰ Pichca niqui angelca manchana animal mandashpa tiyarinapimi pai charicushca copataca t'allirca. Shina t'allicpica, pai mandanaca amsa purayashcami tucurca. Shina tucucpica, nanaihuanmi gentecunaca c'alluta canirircacuna.

APOCALIPSIS 16:10 Iomraidhean Croise

SALMOS 78:49

Diosca Egipto llacta runacunahuan nina japiric shina yallita piñarishpami, tucui tucuchichun achca angelcunata cacharca.

SAN MATEO 13:42

Chashna tandachishpami nina hornopi shitanga. Chaipimi huacaihuan quiru caniringa.

SAN MATEO 13:50

jatun ninapi shitanga. Chaipimi huacaihuan quiru caniringa— nirca.

SAN MATEO 22:13

Chaimantami jatun mandacca serviccunataca: “Cai runataca chaqui maquita huatashpa, canzha puraman shitaichic. Chaipica huacaihuan quiru canirinami tiyan” nirca.

SAN MATEO 24:51

Chashna shamushpami llaquichishpa, mishqui shimi jayac shungu gentecunahuan churanga. Chaipica huacaihuanmi quiru caniringa.

SAN MATEO 8:12

Ashtahuanpish Dios mandacucman yaicungapac caccunaca, canzhapimi, purapi huacaihuan quiru caniringa— nirca.

SAN LUCAS 13:28

Taita Abrahamtapish, Isaactapish, Jacobotapish, Dios ima nishcata huillaccunatapish Dios maipi mandacucpi tiyacucta ricushpa, cancuna canzhaman shitashca cashpaca, quirucuna canirishpami huacacunguichic.

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

APOCALIPSIS 11:8

Chai huañushcacunaca jatun pueblo plazapimi siricunga. Chai pueblollapitacmi Mandac Apunchic Jesustaca chacatarcacuna. Chai pueblotaca Sodoma pueblohuan, Egipto llactahuanmi chimbapurashca.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.

APOCALIPSIS 17:9

Caicunata yachangapacca alli yuyaiyuc, yachaisapami cana can. Canchis umacunaca chai huarmi tiyacuc canchis urcucunata,

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

APOCALIPSIS 8:12

Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.

APOCALIPSIS 9:2

Chai jatun jutcuta pascacpica, jatun hornomanta shinami achca cushni llucshishpa intitapish, punzhatapish amsayachirca.