APOCALIPSIS 15:8 - Dios Rimashcata Quillcashcami

⁸ Diosca imatapish ruhuangapac poderta charishcamanta shinallatac sumaimana achiclla cashcamantaca, cushnimi Diosta mañana huasipica jundarca. Shina cacpimi canchis angelcuna canchis llaquicunahuan llaquichinata tucuchingacaman, chaimanca pipish mana yaicui pudirca.

Nuevo Testamento en Quichua Cañar 1996

⁸ Taita Dios imatapish ruhuaclla cashcamanta shinallatac sumaimana achiclla cashcamantaca, cushnimi Diosman mañana huasipica jundarca. Shina cacpimi canchis angelcuna canchis llaquicunahuan llaquichinata tucuchingacaman, chaimanca pipish mana yaicui pudircacuna.

APOCALIPSIS 15:8 Iomraidhean Croise

SALMOS 29:9

Mandac Dios rimashcaca encina yuracunatapish paquinmi. Sachacunatapish cuyuchishpami chushac caspillata saquin. Paipac huasipica tucuimi pai sumaimana cashcata huillacun.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

ISAÍAS 6:4

Chashna caparicpica, Diospac huasi pungu umbralcunapish chucchurcami. Huasi ucupica cushnimi jundarca.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

LAMENTACIONES 3:44

Ñucanchic mañashcata mana uyangapacmi puyuhuan taparircangui.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

APOCALIPSIS 15:1

Cutinllatacmi jahua cielopica shuctac jatun mancharinata ricurcani. Chaipica tucurina canchis llaquicunatami canchis angelcuna charicurca. Chai llaquicunahuanmi Diospac piñaica ña tucurigricurca.

APOCALIPSIS 21:11

Chai puebloca Diospac sumaimana achiclla cashcahuanmi jagan nicurca. Valishca jaspe rumi shina, vidrio shina jagan nicucmi carca.