APOCALIPSIS 15:4 - Dios Rimashcata Quillcashcami

⁴ ¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

Nuevo Testamento en Quichua Cañar 1996

⁴ ¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Shina cashcamantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca— nicurcacuna.

APOCALIPSIS 15:4 Iomraidhean Croise

SALMOS 105:7

Paica ñucanchicta Mandac Diosmi. Paica tucui cai pachapimi mandacun.

SALMOS 111:9

Pai acllashcacunaman quishpichicta cachashpami, huiñai huiñaipac ari nirca. Paica jucha illac manchana Diosmi.

SALMOS 22:23

Tucui Mandac Diosta manchaccuna alabaichicyari. Tucui taita Jacobopac huahuacuna paitaca alli nichicyari. Taita Israelpac huahuacuna tucui mashna paita cazuichicyari.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 22:3

Canca jucha illacmi cangui. ¡Israelcuna alli nishcami causangui!

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

SALMOS 97:8

Sionpi causaccunaca chaita uyashpami cushicurca. Judá llactapi cac pueblocunapi causaccunapish, can chashna llaquichishcamantami yallita cushicurca.

SALMOS 99:5

¡Ñucanchicta Mandac Diostaca jatunyachichicyari! Pai jucha illac cashcamantaca paipac chaqui ñaupapi cumurichicyari.

SALMOS 99:9

¡Ñucanchicta Mandac Diostaca jatunyachichicyari! Ñucanchicta Mandac Dios jucha illac cashcamantaca paipaclla urcu ñaupapi cumurichicyari.

ISAÍAS 24:15

Chaimantami inti llucshina ladopi causaccunapish, mama cucha patapi causaccunapish israelcunata Mandac Diosta jatunyachishpa, alli ningacuna.

ISAÍAS 25:3

Chaimantami sinchi runacunaca canta alli nincuna. Mana llaquic llactacunaca manchancunami.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 45:23

Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

ISAÍAS 60:5

Chaita ricushpami, cambac ñahuica achicyac shina cushicunga. Mama cucha patapi tiyac llactacunapac sumaccunaca cambacmi canga. Shuctac llactapi causaccunapac ima charishcacunatapish canmanmi apamunga. Chaimantami cambac shunguca yallita cushicunga.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

HABACUC 1:12

Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.

ZACARÍAS 14:16

Jerusalenpi causaccunahuan macanacungapac ric llactacunamanta saquirishca gentecunaca Jatun Mandacta, tucuita Mandac Diosta mañangapac, ramacunahuan chucllata ruhuana fiestata ruhuangapacmi cada huata huichai shamunga.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

1 PEDRO 1:16

Dios quillcachishcapica: «Ñucaca jucha illacmi cani. Cancunapish jucha illac causaichic» nicunmi.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 14:7

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.

APOCALIPSIS 16:5

Chai quipaca yacucunata mandac ángel rimashpaca: «¡Jucha illac Dioslla! Canllatacmi cangui, canllatacmi carcangui. Chashna llaquita cachashpaca, allitami ruhuashcangui.

APOCALIPSIS 16:7

Shinallatac altar ucumanta shuc rimashpaca: «¡Tucui imatapish ruhuac Mandac Dioslla! Canca imatapish llaquichina cashcatatac ricushpami taripangui» nishcatami uyarcani.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

1 SAMUEL 2:2

Mandac Dios shina jucha illacca mana tiyanchu. Canmanta ashtahuan shucca mana tiyanchu. Ñucanchic miticuna rumi shina Diosca mana tiyanchu.