APOCALIPSIS 14:6 - Dios Rimashcata Quillcashcami

⁶ Chai quipaca shuc ángel jahuata volacuctami ricurcani. Chai angelca tucui llactacunapi causaccunaman, tucui aillucunaman, tucuilaya rimaita rimaccunaman, shinallatac tucuilaya gentecunaman huiñaicaman cac alli huillaita huillangapac huillanatami charicurca.

Nuevo Testamento en Quichua Cañar 1996

⁶ Chai q'uipaca shuc angelmi jahuata volacucta ricurcani. Chai angelca tucui llactacunapi causaccunaman, tucui aillucunaman, tucui laya rimaita rimaccunaman, shinallatac tucui laya gentecunaman huiñaicaman tiyac alli huillaita huillangapac huillanatami charicurca.

APOCALIPSIS 14:6 Iomraidhean Croise

GÉNESIS 1:6

Chai quipaca Diosca: «Cai pacha yacuta uraman jahuaman shuc chicanyachic tiyachun» nirca.

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

SALMOS 119:142

Canca huiñaita cashcata ruhuacmi cangui. Can mandashcacunaca cashcata nicmi.

SALMOS 139:24

Ñucaca millaita ruhuarcanichari, chaitaca ricuiyari. Chaicunata ricushpa huiñaita causangapac rina ñanta pushaiyari.

SALMOS 145:13

Can mandanaca huiñai huiñaitami. Can mandashpa causanaca huahua huahuacunacamanmi.

ISAÍAS 40:8

Quihuapish chaquinmi, sisapish anguyanmi. Ashtahuanpish Dios rimashcaca huiñai huiñaita causacungallami» nirca.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

ISAÍAS 6:2

Paipac jahuapica serafín angelcunami tiyacurca. Cada angelmi sucta alasyuc carca. Chai angelcunaca ishcai alas-huanca paicunapac ñahuita, caishuc ishcai alas-huanca chaquitami tapashca carca. Cutin caishuc ishcai alas-huanca volacurcami.

EZEQUIEL 1:14

Causaita chariccunaca relampa shinami, caiman chaiman volashpa puricurca.

DANIEL 4:1

Jatun mandac Nabucodonosor ñucami tucui cai pachapi causacta, jatun llactapi causaccunata, chican rimaita rimaccunata: “Cushi causaichic” nishpa quillcani.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

1 PEDRO 1:25

Ashtahuanpish Dios rimashca shimica huiñaita causacungallami» ninmi. Cai shimicunatami quishpirinamanta alli huillaita huillacpica uyarcanguichic.

APOCALIPSIS 10:11

Chaita micushca quipaca: «Tauca pueblocunapish, llactacunapish, shuctac shuctac rimaita rimaccunapish, shinallatac jatun mandaccunapish ima tucuna cashcataca cutinmi huillana cangui» nirca.

APOCALIPSIS 10:7

Ashtahuanpish canchisniqui ángel trompetapi tocacpica, Diosmanta ñaupa huillac, paipacta ruhuaccunaman huillashca shinami, pai imata ruhuasha nishcataca pactachinga» nirca.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.