APOCALIPSIS 14:1 - Dios Rimashcata Quillcashcami

¹ Chai quipaca Sión urcu jahuapi Pactalla Oveja shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Diospac shutita quillcashca carcacuna.

Nuevo Testamento en Quichua Cañar 1996

¹ Chai q'uipaca Sión*f** urcu jahuapi Pactalla Oveja*f** shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Taita Diospac shutita quillcashca carcacuna.

APOCALIPSIS 14:1 Iomraidhean Croise

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

ISAÍAS 49:14

Shina cacpipish, Sionpi causaccunaca: «Mandac Diosca saquishcami. Ñucanchictaca cungarishcami» nircami.

JEREMÍAS 1:11

Cutinllatac Mandac Dios rimashpaca: «Jeremías, ¿imatatac ricungui?» nirca. Shina nicpimi ñucaca: «Almendro caspitami ricuni» nircani.

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

EZEQUIEL 10:1

Querubincunapac uma jahuapica shuc zafiro rumimanta ruhuashca mandashpa tiyarinaman ricchatami ricurcani.

EZEQUIEL 10:9

Chai querubincunapac cuchupica chuscu ruedacunatami ricurcani. Cada querubincunapac cuchupimi shuc rueda carca. Chai ruedacunaca crisólito rumi shina jagan nicucmi carca.

EZEQUIEL 2:9

Shinallatac pillushca quillcata maquipi japishpa ñucaman ricuchicuctami ricurcani.

EZEQUIEL 44:4

Chai quipaca Diospac huasi jahua lado pungutami chai huasi ñaupaman pusharca. Chaipimi Mandac Diospac sumaimana achic nicuc paipac huasipi jundashcata ricushpa, pambacaman cumurircani.

EZEQUIEL 8:7

Chaimantaca canzha pambaman yaicunamanmi pusharca. Chaipica pirca quingraipimi shuc jutcuta ricurcani.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

DANIEL 12:5

Chaimantami Daniel ñucaca ishcai runacunata, shucca jatun yacu ladopi, caishucca chimba ladopi shayacucta ricurcani.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

MIQUEAS 4:7

Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.

ZACARÍAS 4:2

Chai ángel tapushpaca: —¿Imatatac ricungui?— nirca. Shina tapucpimi ñucaca: —Aceiteta churana curi candelerota, cutin chai jahuapica canchis lamparacunatapish, canchis tubocunatapishmi ricucuni.

SAN LUCAS 12:8

Ñucaca: Maijanpish gentecunapac ñaupapi “ricsinimi” nictaca, Runa Tucungapac shamushca ñucapish Diospac angelcunapac ñaupapi “ricsinimi” nishami.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

APOCALIPSIS 14:14

Chai quipaca shuc yuranlla puyutami ricurcani. Chai puyu jahuapica Runa Tucungapac shamushcaman riccha tiyacuctami ricurcani. Paica umapica curi coronata churashca, shinallatac maquipica shuc jinu hosis apashcami carca.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu causaita chariccunapac ñaupapi shinallatac ishcai chunga chuscu yuyaccunapac ñaupapi cantacurcacuna. Chai cantotaca pipish mana yachacui pudircachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachacurca.

APOCALIPSIS 15:5

Chai quipaca jahua pachapi cac, ari nishcata ricuchic Diosta mañana carpa huasi pascarictami ricurcani.

APOCALIPSIS 22:4

Diostaca ñahui ñahuimi ricungacuna. Shinallatac paipac shutitapish frentepi churashcami canga.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

APOCALIPSIS 4:1

Chai quipaca jahua pachapi pungu pascashcatami ricurcani. Puntaman uyarishca shinallatacmi, trompetapi tocac shina shuc rimashca uyarishpaca: «Caiman huichicui, caipica quipaman ima shina tucuna cashcatami ricuchigrini» nirca.

APOCALIPSIS 6:8

Chaimantaca shuc quillu caballotami ricurcani. Chai caballo jahuapi tiyacucpac shutica Huañui nishcami carca. Cutin paita catishpa llucshicca Ucu Pacha nishcami carca. Paicunaca cai pachata chuscupi chaupishca shuc parte gentecunata macanacuihuan, ungüicunahuan, yarcaihuan, shinallatac cai pachapi cac animalcuna canishcahuan huañuchic cana podertami chasquirca.