APOCALIPSIS 13:3 - Dios Rimashcata Quillcashcami

³ Chai animalpac umacunapuramanta shuc umaca yallita chugrishca huañunallami carca. Chashna cacpipish chai chugri alli tucucpimi, tucui cai pachapi causaccunaca mana amirishpa chai animalta catircacuna.

Nuevo Testamento en Quichua Cañar 1996

³ Chai animalpac umacunapuramanta shuc umaca yallita chugrishca cashcamanta huañunallami carca. Chai chugri alli tucucpimi, tucui cai pachapi causaccunaca mana amirishpa chai animalta c'atircacuna.

APOCALIPSIS 13:3 Iomraidhean Croise

EZEQUIEL 30:24

Babilonia llactata jatun mandacpac rigrata sinchiyachishpami, ñucapac espadata paipac maquipi churasha. Ashtahuanpish ñucami Faraonpac rigrataca paquisha. Shina ruhuacpimi, huañunalla tucushpa, chai mandacpac ñaupapi yallita huacanga.

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

SAN JUAN 12:19

Ashtahuanpish fariseocuna parlanacushpaca: —Riquichic, tucuimi paita caticun. Ñucanchicca imata mana ruhuai pudinchicchu— nicurca.

HECHOS 8:13

Chai brujo Simonpish Jesusta crishpa, bautizarishpami Felipehuan puricurca. Paica milagrocunata, mancharinacunata ruhuacta ricushpami, mancharishpa puric carca.

APOCALIPSIS 13:12

Chai animalca punta animal shinallatacmi paipac ñaupapica poderyuc carca. Shinallatac huañunalla chugrishca alli tucushca punta animaltami cai pachapi causaccunataca “allimari cangui” nichun nirca.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 17:10

shinallatac canchis jatun mandaccunatami nisha nin. Pichca jatun mandaccunaca ñami tucurirca. Chaimanta shucca mandacunracmi. Shucca manarac mandangapac shamunchu. Shina shamushpapish ashacamanllami mandanga.

APOCALIPSIS 17:11

Ñaupaman tiyashca, cunanca mana tiyac manchana animalca chai canchis mandaccunapuramanta cashpapish, pusacniqui mandacmi. Paimi huiñaita jatun llaquipi chingarinaman ricun.

APOCALIPSIS 17:13

Chai chunga jatun mandaccunaca chai manchana animalmanmi mandanatapish, imata ruhuaclla canatapish cungapac shuc yuyailla tucushcacuna.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.