APOCALIPSIS 13:2 - Dios Rimashcata Quillcashcami

² Chai ñuca ricushca manchana animalca leopardoman ricchami carca. Chaquica osopac chaqui shina, shimica leonpac shimi shinami carca. Dragonmi pai shina mandashpa tiyarinatapish, poderyuc canatapish, shinallatac mandanatapish chai manchana animalman curca.

Nuevo Testamento en Quichua Cañar 1996

² Chai ñuca ricushca manchana animalca tigreman ricchami carca. Chaquica osopac chaqui shinami carca. Shimipish leonpac shimi shinami carca. Dragonmi pai shina mandashpa tiyarinatapish, imata ruhuaclla canatapish, shinallatac mandanatapish chai manchana animalman curca.

APOCALIPSIS 13:2 Iomraidhean Croise

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

SALMOS 22:21

Leonpac shimimantapish, piña huagracunapac gachumantapish quishpichiyari.

PROVERBIOS 17:12

Millaita ruhuac yuyai illac runahuan tupanapac randica, huahuacuna illac piña huarmi osohuan tupanami ashtahuan alli.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

ISAÍAS 5:29

Paicuna caparishcapish león huacashca shinami uyaringa. Huahua león huacac shina caparishpa, quirucuna canirishpami imatapish japishpa apamunga. Chashna apamucpipish, pi mana quichui pudingachu.

JEREMÍAS 13:23

¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

AMÓS 3:12

Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

HABACUC 1:8

Paicunapac caballocunaca leopardocunatapish yalli callpac, amsata llucshic atuccunatapish yalli millaicunami canga. Caballopi ric soldadocunaca tandanacushpami huaicashpa carumanta shamunga. Paicunaca angacuna ima animalta japingapac jahuata shamuc shinami shamunga.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

APOCALIPSIS 12:13

Cai pachaman shitashca cashcata yachac chayashpami, dragonca chai cari huahuata charic huarmita huañuchisha nishpa cati callarirca.

APOCALIPSIS 12:15

Chai culebraca callpacuc yacu tucushpa chai huarmita apachunmi, paipac shimimanta yacuta shitarca.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:12

Chai animalca punta animal shinallatacmi paipac ñaupapica poderyuc carca. Shinallatac huañunalla chugrishca alli tucushca punta animaltami cai pachapi causaccunataca “allimari cangui” nichun nirca.

APOCALIPSIS 13:4

Chai animalman poderta cushcamantami, dragontaca “allimari cangui” nircacuna. Shinallatac chai manchana animalta alli nishpaca: «Cai manchana animal shinaca pipish mana tiyanchu. ¿Paihuanca pitac macanacungayari?» nircacuna.

APOCALIPSIS 16:10

Pichcaniqui angelca manchana animal mandashpa tiyarinapimi pai charicushca copata tallirca. Shina tallicpica, pai mandana amsa pura tucucpimi gentecunaca nanaihuan calluta canirirca.

APOCALIPSIS 17:12

Can ricushca chai chunga gachucunaca chunga jatun mandaccunatami nisha nin. Chai mandaccunaca manarac mandancunachu. Shina cashpapish shuc pachallatacmi chai manchana animalhuan ishcai tucushpa mandanata chasquinga.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

APOCALIPSIS 20:2

Chai angelmi chai dragón nishca ñaupa rucu culebrataca, huaranga huatapa cadenahuan huatarca. Paillatacmi diablo nishcapish, Satanás nishcapish can.