APOCALIPSIS 13:18 - Dios Rimashcata Quillcashcami

¹⁸ Maijanpish alli yachacllami, chai animalpac yupai ima nicushcataca yachanga. Chai animalpac yupaica sucta pasac sucta chunga suctami. Chai yupaica shuc runapac shutitami nisha nin. Chaitaca alli yachaccunallami yachac chayanga.

Nuevo Testamento en Quichua Cañar 1996

¹⁸ Maijanpish alli yachacllami, chai animalpac yupai ima nicushcataca yachanga. Chai animalpac yupaica sucta pasac sucta chunga suctami. Chai yupaica shuc runapac shutitami nisha nin. Chaitaca alli yachaccunallami yachac chayanga.

APOCALIPSIS 13:18 Iomraidhean Croise

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

DANIEL 12:10

Achcacunami tucui mapata anchuchishpa, yuranlla chuya canga. Cutin Diosta mana manchaccunaca chashnallatacmi Diosta mana manchashpa catingacuna. Paicunapuramanta shucllapish imata mana entendingachu. Ashtahuanpish alli yachaccunaca entendingami.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

MARCOS 13:14

Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).

ROMANOS 3:5

Ñucanchic mana allita ruhuashcacunallatac Dios cashcata ruhuac cashcata ricuchicpica, ¿imatatac nishun? Ñucanchicta llaquichicpica, ¿Diosca millaimantami llaquichin nishunchu? Caitaca gentecuna yuyashca shinami rimagrini.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

APOCALIPSIS 1:3

Maijanpish cai huillashcata rezacman, cai rezashcata uyashpa cazucmanca, mai cushicuimi canga. Cai huillashcacuna pactana punzhaca ñami chayamucun.

APOCALIPSIS 15:2

Shinallatac cristalman riccha jatun cucha yacu, ninahuan chapushcatami ricurcani. Chai yacu cucha patapica manchana animaltapish, paiman ricchatapish mishashpa, paipac shuti yupaitapish mana chariccuna Dios cushca tocana arpacunata apashpa shayacuctami ricurcani.

APOCALIPSIS 17:9

Caicunata yachangapacca alli yuyaiyuc, yachaisapami cana can. Canchis umacunaca chai huarmi tiyacuc canchis urcucunata,

APOCALIPSIS 21:17

Shinallatac muyundi jarcashcata medishpaca, gentecuna medishca shinallatacmi sucta chunga pichca metrota llucchirca.