APOCALIPSIS 13:15 - Dios Rimashcata Quillcashcami

¹⁵ Diosca quipa animaltaca punta animalman ricchata ruhuashca animalman causaita cuchun, rimachichun, shinallatac paita mana “allimari cangui” niccunata huañuchichunmi saquirca.

Nuevo Testamento en Quichua Cañar 1996

¹⁵ Taita Diosca q'uipa animaltaca punta animalman ricchata ruhuashca animalman causaita cuchun, rimachichun, shinallatac paita mana “allimari cangui” niccunata huañuchichunmi saquirca.

APOCALIPSIS 13:15 Iomraidhean Croise

GÉNESIS 2:7

Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

SALMOS 115:5

Shimita charishpapish, mana rimanchu. Ñahuita charishpapish mana ricunchu.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

JEREMÍAS 51:17

Tucui gentecunami imata mana yachac, yuyai illac tucuncuna. Yanga dioscunata ruhuaccunapish chai dioscuna yanga cashcamantami pingai tucun. Chai dioscunaca mana samaita charinchu.

DANIEL 7:20

Shinallatac umapi tiyac chunga gachucuna, shinallatac chai quimsa urmashca gachucunapac ladopi huiñashca gachu imata nisha nicushcatapish yachasha nircanimi. Chai gachuca ñahuicunayuc, millai rimaicunata rimac shimiyucmi carca. Chai gachuca caishuc gachucunata yallimi carca.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

SANTIAGO 2:26

Shinashpaca ima shinami shuc cuerpo alma illaclla huañushca can, chai shinallatacmi crishcapish ima allita mana ruhuashpaca, huañushca shina can.

APOCALIPSIS 13:1

Mama cucha ladopi cac tio allpapi shayacushpami yacumanta shuc manchana animal llucshicta ricurcani. Chai animalca canchis umayuc, chunga gachuyucmi carca. Chai gachucunapica coronatami charirca. Shinallatac umacunapica, Diosta piñachishpa quillcashcacunatami charirca.

APOCALIPSIS 13:12

Chai animalca punta animal shinallatacmi paipac ñaupapica poderyuc carca. Shinallatac huañunalla chugrishca alli tucushca punta animaltami cai pachapi causaccunataca “allimari cangui” nichun nirca.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 14:11

Chai jatun llaquimantami cushnica huiñaita llucshicunga. Chai manchana animaltapish, paiman ricchatapish ‘allimari cangui’ nishpa, paipac shutita alli nishpa sellota apaccunamanca tutapish, punzhapish llaquimanta samarinaca mana tiyangachu» nirca.

APOCALIPSIS 14:9

Chaipac catic quimsaniqui ángel sinchita rimashpaca: «Maijanpish chai manchana animalta shinallatac paiman ricchata alli nic, mana cashpaca maquipi cashpa, frentepi cashpa sellota churashca cacca,

APOCALIPSIS 16:2

Shina nicpimi shucniqui ángel rishpaca, pai charicushca copata allpapi tallirca. Chashna tallicpica, manchana animalpac sellota chariccunata, shinallatac paiman ricchata alli niccunataca millai sisu ungüimi japirca.

APOCALIPSIS 16:5

Chai quipaca yacucunata mandac ángel rimashpaca: «¡Jucha illac Dioslla! Canllatacmi cangui, canllatacmi carcangui. Chashna llaquita cachashpaca, allitami ruhuashcangui.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 18:24

Canpimi Diosmanta ñaupa huillaccunapac, Diospaclla caccunapac, shinallatac tucui cai pachapi causaccunapac, huañuchishca yahuarca taririrca» nirca.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.