APOCALIPSIS 12:7 - Dios Rimashcata Quillcashcami

⁷ Chai quipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.

Nuevo Testamento en Quichua Cañar 1996

⁷ Chai q'uipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.

APOCALIPSIS 12:7 Iomraidhean Croise

SALMOS 78:49

Diosca Egipto llacta runacunahuan nina japiric shina yallita piñarishpami, tucui tucuchichun achca angelcunata cacharca.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

ISAÍAS 55:4

Ñucami paitaca gentecunaman huillachun, llactacunata mandac cachun churarcani.

DANIEL 10:13

Ashtahuanpish Persia llactata jatun mandacmi ishcai chunga shuc punzhata jarcarca. Chaimantami angelcunata mandac ángel Miguel ayudangapac shamurca. Chashna ayudacpimi, Persia llactata mandaccunahuan saquirircani.

DANIEL 10:21

Ashtahuanpish ñucaca cashcata nic libropi imata nicushcatami huillagrini. Ñuca paicunahuan macanacucucpica pi mana ayudac shamunchu. Ashtahuanpish cancunata mandac Miguel-llami ayudac shamun” nirca.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

SAN MATEO 13:41

Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 26:53

Ñuca Taitaman huaranga huaranga angelcunata ñucata cuidachun mañacpica, cunanllatacmi cachanman. Chaitaca, ¿manachu yachangui?

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

SAN JUDAS 1:9

Angelcunata jatun mandac ángel Miguelpish, diablohuan Moisespac huañushca cuerpota quichunacushpa piñanacushpapish, diablotaca mana millaita rimarcachu, ashtahuanpish “Diosllatac llaquichichun” nircami.

APOCALIPSIS 12:8

Shina cashpapish paicunaca mana misharcachu, jahua pachapipish ña mana causanata charircachu.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

APOCALIPSIS 20:2

Chai angelmi chai dragón nishca ñaupa rucu culebrataca, huaranga huatapa cadenahuan huatarca. Paillatacmi diablo nishcapish, Satanás nishcapish can.