APOCALIPSIS 12:5 - Dios Rimashcata Quillcashcami

⁵ Chai huarmica tucui cai pachapi causaccunata, fierro varahuan mandagricuc shuc cari huahuatami sajuarirca. Ashtahuanpish chai huahuaca mandashpa tiyarinapi tiyacuc Diospac ñaupamanmi apashca carca.

Nuevo Testamento en Quichua Cañar 1996

⁵ Chai huarmica shuc c'ari huahuatami sajuarirca. Chai huahuami tucui cai pachapi causaccunataca fierro varahuan mandanga. Ashtahuanpish chai huahuaca mandashpa tiyarinapi tiyacuc Diospac ñaupamanmi apashca carca.

APOCALIPSIS 12:5 Iomraidhean Croise

ISAÍAS 66:7

¡Manarac sajuarina punzha pactacpimi, huahuata sajuarirca! ¡Manarac sajuarina nanai japicpimi, cari huahuata sajuarirca!

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

JEREMÍAS 31:22

Mana cazuc soltera shina Israel-lla, ¿ima horascamantac caita chaita puricunguilla? Mandac Dios ñucami cai llactapica mushucta ruhuasha. Huarmica cusapac ladomanmi shamunga» ninmi.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

SAN MATEO 1:25

Joseca chashna cazarashpapish chai huahuata charingacamanmi Mariahuanca mana chayarinacurca. Chai huahuataca JESÚS shutitami shutichirca.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

2 CORINTIOS 12:2

Cristota cric shuc ricsishca runatami quimsaniqui jahua pachaman apashca carca. Chaica ñami chunga chuscu huata tucun. Chaitaca cuerpondichari, mana cashpaca almallachari apashca carca, chaitaca mana yachanichu, Diosllami yachan.

2 CORINTIOS 12:4

Chai runataca jahua pacha sumac llactamanmi apashca carca. Chai llactapimi pi mana uyanalla, pi mana parlai pudishca rimaicunataca uyarca.

APOCALIPSIS 11:12

Chai ishcai huillaccunaca jahua pachamanta: «¡Caiman huichicuichic!» nishpa, sinchita caparishcatami uyarcacuna. Chaipica paicunata piñaccuna ricucucpimi puyupi huichicurca.

APOCALIPSIS 12:13

Cai pachaman shitashca cashcata yachac chayashpami, dragonca chai cari huahuata charic huarmita huañuchisha nishpa cati callarirca.

APOCALIPSIS 12:2

Chai huarmica huicsayucmi carca. Chashna cashpami sajuarina punzha chayacpica, nanaihuan llaquita apashpa caparicurca.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.