APOCALIPSIS 12:1 - Dios Rimashcata Quillcashcami

¹ Jahua cielopica shuc jatun mancharinami ricurirca. Chaipica shuc huarmimi intihuan pillushca shina churarishca, paipac chaqui ucupica quilla apashca ricurirca. Cutin umapica chunga ishcai lucerocunayuc corona apashcami carca.

Nuevo Testamento en Quichua Cañar 1996

¹ Jahua cielopica shuc jatun mancharinami ricurirca. Chaipica shuc huarmimi intihuan pillushca shina churarishca carca. Quillaca paipac chaqui ucupimi carca. Paica umapica chunga ishcai lucerocunayuc corona apashcami carca.

APOCALIPSIS 12:1 Iomraidhean Croise

2 CRÓNICAS 32:31

Ashtahuanpish Judá llactapica ima jatun llaquicunata, jatun mancharinacunata ruhuashcata yachachunmi, Babilonia llactata mandaccunaca maijan tapuccunata cacharcacuna. Mandac Diosca Ezequías paipac shungupi ima shina yuyashcata yachangapacmi, chai tapuccuna shamucpica, paimanta anchurirca.

SALMOS 104:2

Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

CANTARES 6:10

«¿Pitac achicyachic shina ricuric, sumac quilla shina, inti achicyachic shina, macanacuita mishac soldadocuna shina llucshic huarmica?» nircacuna.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 62:3

Mandac Diospac maquipica achicyachic corona shinami cangui. Diospac maqui shungupica jatun mandacpac umapi churana diademapi rumicuna shinami cangui.

ZACARÍAS 9:16

Chai punzhapica, Mandac Diosmi, pai acllashcacunataca ovejacunata shina quishpichinga. Chai llactapica coronapi churana diadema curi rumicuna shinami, mai valishca canga.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN MATEO 12:38

Fariseocunapish, mandashcacunata yachachiccunapish Jesuspacman shamushpaca: —Yachachic, ima milagrota ruhuashpa ricuchi— nirca.

SAN MATEO 24:30

Chashna tucucpimi, Runa Tucungapac shamushca ñuca cutimucuc señalca jahua cielopi ricuringa. Chaita ricushpami, tucui cai pachapi causaccunaca mancharishpa huacanga. Runa Tucungapac shamushca ñucataca poderhuan, sumaimanata achicyachishpa puyupi shamucucta ricunga.

MARCOS 13:25

Lucerocunapish jahuamanta urmangami. Jahua cielopi tiyac jatuncunapish chucchungami.

SAN LUCAS 21:11

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

HECHOS 2:19

Jahua pachapica, mancharinacunatami ricuchisha. Cai pachapica, yahuarta, ninata, cushni puyutami ricuchisha.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

GÁLATAS 3:27

Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

EFESIOS 5:32

Caica pacashca jatun huillaimi. Shina cacpipish, ñucaca Jesucristohuan, tandanacushca criccunahuan ima shina cana cashcatami entendishpa huillani.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 12:3

Chai quipaca cutinllatacmi cielopica shuc jatun mancharina ricurirca. Shuc jatun puca dragón animalmi canchis umayuc, chunga gachuyuc, umacunapi corona apashca ricurirca.

APOCALIPSIS 15:1

Cutinllatacmi jahua cielopica shuctac jatun mancharinata ricurcani. Chaipica tucurina canchis llaquicunatami canchis angelcuna charicurca. Chai llaquicunahuanmi Diospac piñaica ña tucurigricurca.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.