APOCALIPSIS 11:8 - Dios Rimashcata Quillcashcami

⁸ Chai huañushcacunaca jatun pueblo plazapimi siricunga. Chai pueblollapitacmi Mandac Apunchic Jesustaca chacatarcacuna. Chai pueblotaca Sodoma pueblohuan, Egipto llactahuanmi chimbapurashca.

Nuevo Testamento en Quichua Cañar 1996

⁸ Chashna huañuchicpica, jatun pueblo ucupi tiyac callecunapimi paicunapac cuerpoca siricunga. Chai pueblollapitacmi paicunata Mandac Apunchic Jesustaca chacatashpa huañuchircacuna. Chashna jatun pueblo nishpaca, Sodoma pueblota, shinallatac Egipto llactatami chimbapurashpa nisha nin.

APOCALIPSIS 11:8 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 19:24

Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 26:23

Paicuna Uriasta Egiptomanta llucchishpaca jatun mandac Joacimpacmanmi pusharca. Chaipimi paitaca espadahuan huañuchishpa, tucuita enterrana jutcupi shitarca.

EZEQUIEL 16:46

Cambac punta ñañaca Samariami. Paica huahuacunandimi jahua ladopi causacun. Cambac quipa ñañaca Sodomami. Paipish huahuacunandimi ura ladopi causacun.

EZEQUIEL 16:49

Cambac ñaña Sodomaca yalli micunata charishpami, jatun tucushpa, llaquipi causaccunatapish, imata mana chariccunatapish mana ayudashpa juchallirca.

EZEQUIEL 23:19

Huambrarac cashpa, Egipto llactapi huainayashcata mana cungarishpami, yallita huainayashpa catirca.

EZEQUIEL 23:27

Chashnami millaita ruhuaccunatapish, Egipto llactamanta huainayac huainayaccunata anchuchisha. Shina ruhuacpica, Egipto gentecunataca ña mana alzarishpa ricunguichu. Ña mana ashtahuan yuyaringuichu.

EZEQUIEL 23:3

Paicunaca huambramanta pachami Egipto llactapi huainayarca. Chaipimi pi mana japirishca chuchutapish japirichun saquirca.

EZEQUIEL 23:8

Egiptopi huainayanata callarishcataca manatac saquircachu. Paihuanca huambramanta pachami huainayarca. Paipac chuchuta japirishpami yallita munarirca.

EZEQUIEL 37:11

Mandac Dios cutinllatac rimashpaca: «Huañunalla runa, cai tullucunaca israelcunami. Paicunaca: “Ñucanchic tullucunaca chaquishcami. Ñucanchicca ima shuyanatapish mana charinchicchu. Tucuimi tucurishcanchic” nincunami.

AMÓS 4:11

Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.

SAN MATEO 10:15

Taripana punzhapica Sodoma pueblota, Gomorra pueblota llaquichishcatapish yallimi chai pueblopi causaccunaca llaquita apanga. Chaica, chashnatacmi canga.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

HEBREOS 13:12

Chashnallatacmi Jesuspish gentecunapac juchacunata anchuchingapacca, pueblomanta carupi paipac yahuarta jichashpa, llaquita apashpa huañurca.

HEBREOS 6:6

Crinata saquishpaca mana Dios-huan alli tucungapac tigrari pudinchu. Paicuna Diospac Churitaca tucuipac ñaupapi pucllashpa, cutin chacatacuc shina ruhuancuna.

2 PEDRO 2:6

Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

APOCALIPSIS 11:9

Chai huañushcacunataca tucui aillucunapish, tucuilaya rimaita rimaccunapish, tucuilaya gentecunapish, shinallatac tucui llactacunamanta caccunami quimsa punzha chaupicaman siricucta ricungacuna. Chashna ricushpapish, enterrachunca mana saquingacunachu.

APOCALIPSIS 14:20

Chai uvascunataca pueblomanta canzhamanmi capishca carca. Chai uvascuna huacaichinamantaca yahuarmi quimsa pasac kilometrocaman rishpa, caballopac shimi shinacaman jundarca.

APOCALIPSIS 14:8

Chaipac catic angelca: «¡Babilonia jatun puebloca ñamari tucui tucurin! Paica vinota ubiachic shinami, pai huacllirishpa tucui llactacunapi causaccunata huacllirinapi urmachishca» nirca.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Cai pachapi tiyac tucui pueblocunapish tuñirircami. Chai jatun Babilonia pueblotaca jayac vinota ubiachic shina piñaihuan llaquichingapacmi, Diosca yuyarirca.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:18

Can ricushca huarmica tucui cai pachapi tiyac jatun mandaccunata mandac jatun pueblomi» nirca.

APOCALIPSIS 17:5

Frentepica pipish mana ricsishca quillcami tiyacurca. Chaipica: «¡Jatun Babilonialla! Cullquimanta huainayashpa causaccunapacpish, cai pachapi imatapish millaita ruhuaccunapacpish mamami cangui» nishcami carca.

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

APOCALIPSIS 18:18

Chai jatun pueblo rupacushcamanta cushni llucshicucta ricushpaca: «¿Cai jatun pueblo shinaca maijan pueblotac tiyangayari?» nishpami caparircacuna.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.

APOCALIPSIS 18:24

Canpimi Diosmanta ñaupa huillaccunapac, Diospaclla caccunapac, shinallatac tucui cai pachapi causaccunapac, huañuchishca yahuarca taririrca» nirca.