APOCALIPSIS 11:1 - Dios Rimashcata Quillcashcami

¹ Chai quipaca, carrizo caspi shina shuc medina varata ñucaman cushpami: «Jatari, Mandac Diosta mañana huasitapish, altartapish medi. Chaipi Diosman mashna mañaccunatapish yupai.

Nuevo Testamento en Quichua Cañar 1996

¹ Chai q'uipaca shuc medina carrizo vara shinata ñucaman cucpimi, cashna nishcataca uyarcani: —Jatari, Diosman mañana huasitapish, altartapish medi. Shinallatac chaipi Taita Diosman mashna mañaccunatapish yupai.

APOCALIPSIS 11:1 Iomraidhean Croise

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

NÚMEROS 33:18

Hazerot pambamanta llucshishpaca, Ritma pambapimi carpa huasita shayachishpa tiyarirca.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

APOCALIPSIS 10:11

Chaita micushca quipaca: «Tauca pueblocunapish, llactacunapish, shuctac shuctac rimaita rimaccunapish, shinallatac jatun mandaccunapish ima tucuna cashcataca cutinmi huillana cangui» nirca.

APOCALIPSIS 21:15

Ñucahuan parlanacuc angelca pueblotapish, pungucunatapish, muyundi jarcashcatapish medina curi varatami charicurca.