APOCALIPSIS 1:16 - Dios Rimashcata Quillcashcami

¹⁶ Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

Nuevo Testamento en Quichua Cañar 1996

¹⁶ Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 1:16 Iomraidhean Croise

JOB 38:7

pacaric lucerocuna tandanacushpa cantacucpi, Diospac churicuna cushicushpa caparicucpica, ¿maipitac carcangui?

SALMOS 45:3

Yalli sinchi runalla, cambac espadata cinturapi huarcuchiyari. Cambac sumac cashcahuanpish, mandana poderhuanpish chumbilliriyari.

CANTARES 6:10

«¿Pitac achicyachic shina ricuric, sumac quilla shina, inti achicyachic shina, macanacuita mishac soldadocuna shina llucshic huarmica?» nircacuna.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 49:2

Ñuca rimashcataca filosapa espadata shinami ruhuarca. Paipac maquihuanmi ñucataca llandurca. Ñucataca puntasapa flechata shina ruhuashpami, flechata huacaichinapi huacaichirca.

DANIEL 12:3

Alli yachaccunaca jahua pachamanta achicyachic shinami achicyachinga. Shinallatac cashcata ruhuanata taucacunaman yachachiccunaca lucero shinami, huiñaita achicyachinga.

DANIEL 8:10

Jahua pachacaman huiñashpami, chaipi ima tiyaccunatapish, lucerocunatapish, pambaman urmachishpa sarunacurca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

HECHOS 26:13

Jatun mandac Agripalla, chaupi punzhata ñanta ricucpimi, ñucapac, ñucahuan riccunapac muyundita jahua pachamanta achicyachirca. Chai achicca intitapish yallimi carca.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 12:1

Jahua cielopica shuc jatun mancharinami ricurirca. Chaipica shuc huarmimi intihuan pillushca shina churarishca, paipac chaqui ucupica quilla apashca ricurirca. Cutin umapica chunga ishcai lucerocunayuc corona apashcami carca.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.

APOCALIPSIS 19:21

Shuccunataca caballopi montashca tiyacucpac shimimanta llucshicuc espadahuanmi huañuchishca carca. Paicunapac aichataca jahuata volashpa puric tucuilaya alasyuc animalcunami sacsacta micurca.

APOCALIPSIS 2:1

Efeso pueblopi cac tandanacushca criccunata ricuc angelman quillcai: “Chai canchis lucerocunata alli maquipi charicuc, chai canchis curi candelerocunapac chaupipi puricucca:

APOCALIPSIS 2:12

Pérgamo pueblopi cac tandanacushca criccunata ricuc angelman quillcai: “Ishcai filoyuc puntasapa espadata charicucca:

APOCALIPSIS 2:16

Shina cashcamanta Diosman llaquirishpa cutiri. Chaita can mana ruhuacpica, utca cambacman shamushpami, ñuca shimimanta llucshicuc espadahuan chaicunahuanca macanacusha.

APOCALIPSIS 3:1

Sardis pueblopi cac tandanacushca criccunata ricuc angelman quillcai: “Diospac canchis Espirituta shinallatac canchis lucerota charicucca: Ñucaca can imata ruhuacushcata, shinallatac causacunimi nicushpapish huañushca shina cashcataca yachanimi.

JUECES 3:16

Aodca chaupi metro ishcai filoyuc espadatami ruhuashca carca. Chai espadatami paipac churana ucuta alli lado cinturapi huarcuchishpa rirca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.