APOCALIPSIS 1:15 - Dios Rimashcata Quillcashcami

¹⁵ Paipac chaquicunapish bronceta ninapi rupachishpa llambushca shinami jagan nicurca. Paipac rimashcaca yacucuna huactarishpa huaj nicuc shinami carca.

Nuevo Testamento en Quichua Cañar 1996

¹⁵ Paipac chaquicunapish bronceta ninapi rupachishpa llambushca shinami jagan nicurca. Shinallatac paipac rimashcaca yacucuna huactarishpa huaj nicuc shinami carca.

APOCALIPSIS 1:15 Iomraidhean Croise

SALMOS 93:4

Jahua pachapi causac Dioslla, canca tucuita ruhuacmi cangui. Canmi jatun yacu huaj nicuctapish, mama cucha jatarishcatapish yalli cangui.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

EZEQUIEL 1:24

Paicuna puri callaricpi, alascunaca achca yacu huaj nicuc shina, Tucuita Ruhuac rimashca shina, achca runacuna puricuc shina, soldadocuna puricuc shinami uyarirca. Paicuna shayarishpaca, uraimanmi alascunataca churarca.

EZEQUIEL 1:7

Paicunapac chaquica rectomi carca. Chaquica becipac chaqui shina, bronce jagan nicuc shinami carca.

EZEQUIEL 40:3

Chaiman ñucata pushacpimi, bronce shina jagan nicuc runata ricurcani. Chai runaca linomanta ruhuashca cordeltapish, medina caspitapish maquipi apashcami pungupi shayacurca.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

DANIEL 10:6

Paipac cuerpoca topacio rumi shina, ñahuica punzha shina achicllami carca. Paipac ishcai ñahuicunaca luz japiricuc shinami carca. Cutin rigrapish, changapish llambuclla bronce shinami carca. Pai rimashcaca, achca gentecuna rimanacushca shinami uyarirca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 14:2

Chaipac quipa jahua pachamantaca achca yacu huaj nicuc shina, urcucuna sinchita tulun nicuc shina, shinallatac tauca tocaccuna arpapi tocacuc shinami uyarirca.

APOCALIPSIS 19:6

Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

APOCALIPSIS 2:18

Tiatira pueblopi cac tandanacushca criccunata ricuc angelman quillcai: “Ñahui murucunapish nina jagan nicuc shina, shinallatac chaquicunapish bronce rupashca jagan nicuc shinata charic Diospac Churica: