AMÓS 8:2 - Dios Rimashcata Quillcashcami

² Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

AMÓS 8:2 Iomraidhean Croise

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

ISAÍAS 28:4

Pugru patapi tiyac chai sumaimana chagrapish, sisa shina coronapish punta pucushca grano shinami tucunga. Shinallatac usyai punzhacunapi punta pucushca higota pipish ricushcahuan japishpa micuc shinami tucunga.

JEREMÍAS 40:10

Caldeocuna cancunapacman shamucpica, ñucami cancunapac randi cai Mizpa llactapi rimasha. Ashtahuanpish cancunaca, cancuna japishca llactacunallapitac shuyaichiclla. Vinotapish, aceitetapish, pucushca granotapish usyai punzhacunapi tandachishpa, huasipi huacaichichiclla» nirca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

LAMENTACIONES 4:18

Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

EZEQUIEL 12:23

Canca: “Mandac Diosca: Yuyachic shimicunataca chingachishami. Chaitaca cai Israel llactapica jaicapi mana rimangachu. Ashtahuanpish punzhacunaca ñami chayamushca, muscuipi shina ricushcapish tucuimi pactamushca.

EZEQUIEL 29:8

Chaimantami Mandac Dios ñucaca: Ñucaca canta llaquichichunmi espadata apamuni. Chaihuanmi gentecunatapish, animalcunatapish tucuchisha.

EZEQUIEL 3:10

Quipata cutin rimashpaca: «Huañunalla runa, ñuca imata huillashcataca cambac ringrihuan alli uyashpa, cambac shungupi chasquingui.

EZEQUIEL 3:7

Ashtahuanpish israelcunaca can rimashcataca mana uyasha ningacunachu. Paicunaca ñuca rimashcataca mana munancunachu. Tucui israelcunami sinchi umacuna, rumi shungucuna can.

EZEQUIEL 7:6

¡Chaica cancunata tucuchigrinimi, tucuchigrinimi! ¡Llaquica ñami llaquichingapac chayamun! ¡Riquichic, ñamari shamucun!

EZEQUIEL 8:12

Chaipimi ñucataca: «Huañunalla runa, ¿israelcunata pushac yuyaccuna tuta imata ruhuacucta ricunguichu? Tucui paicunami huasi ucupi imamanpish riccha dioscunata pintashca. Paicunaca: “Mandac Diosca ñucanchicmanta anchurishcami, mana ricucunchu” nincunami» nirca.

EZEQUIEL 8:17

Chaimantami ñucataca: «Huañunalla runa, ¿manachu caitaca ricungui? ¿Judá llactapi causaccuna yalli millaita ruhuashcaca ashallachu? Paicunaca millaita ruhuashpami, cai llactapi yalli piñanacuita churashpa, ñucataca ashtahuan piñachin. Paicunapac singapipish ramacunatami churarin.

EZEQUIEL 8:6

Chai quipami ñucataca: «Huañunalla runa, ñucapaclla huasimanta ñucata anchuchingapacmi, israelcunaca yalli millaita ruhuacun. Chaitaca, ¿manachu ricungui? Cai ricushcamanta ashtahuan yalli millaita ruhuashcacunatami ricungui» nirca.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

AMÓS 7:8

Mandac Dios chaita ricuchishpaca: —Amós, ¿imatatac ricucungui?— nirca. Shina tapucpimi ñucaca: —Albañilpac plomadatami ricucuni— nircani. Shina nicpimi, Mandac Diosca: —Cai albañilpac plomadahuanmi ñuca acllashca israelcunataca ricugrini. ¡Paicunataca mana ashtahuan llaquishachu!

AMÓS 8:1

Mandac Diosca usyai punzhacunapi pucushca taza frutatami muscuipi shina ricuchirca.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

ZACARÍAS 5:2

Chai ángel ñucata tapushpaca: —¿Imatatac ricucungui?— nirca. Shina nicpimi ñucaca: —Largomanca iscun metro, anchomanca chuscu metro chaupi pillushca cara huairapi rictami ricucuni— nircani.