AMÓS 6:3 - Dios Rimashcata Quillcashcami

³ Cancunaca “Llaqui punzhaca mana shamungachu” yuyarircanguichicmi. Shina cashpapish, llaqui punzhamanmi cuchuyacunguichic.

AMÓS 6:3 Iomraidhean Croise

SALMOS 94:20

¿Millaita ruhuangapac tandanacushpa yuyarinacuc millai jatun mandaccunahuan tandanacunguichu?

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

ISAÍAS 47:7

Canca: “Huiñaitami mandac huarmi casha” yuyarcanguimi. Quipa punzha llaqui tucunataca mana yuyarircanguichu.

ISAÍAS 56:12

Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

LAMENTACIONES 4:5

Sumac micunata micuccunaca callepimi yarcaihuan huañucun. Sumac churanahuan huiñashcacunaca mapapimi siricun.

EZEQUIEL 12:22

«Huañunalla runa, cancunaca: “Punzhacunaca pasanmi. Muscuipi shina ricushcaca mana pactanchu” nishpaca, ¿imatatac nisha ninguichic?

EZEQUIEL 12:27

«Huañunalla runa, israelcunaca: “Cai runa muscuipi shina ricushcapish, ima tucunata huillashcapish unai huatacunapimi pactanga” nincunami.

EZEQUIEL 23:42

Paihuan tandanacushca gentecunami caparishca uyarirca. Paicunaca shitashca pambamanta shamushca sabeocuna, yanga gentecunami carca. Chai gentecunami cai huarmicunapac maquipica brazaletecunata, umapica sumac coronacunata churachirca.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

AMÓS 3:9

Asdod llactapi, Egipto llactapi mandashpa tiyana huasicunapipish huillashpaca: «¡Samaria urcupi tandanacushpa, chai llacta llaqui tucushcata, chaipi causaccuna llaquilla causacushcata ricuichicyari!» nichic ninmi.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

AMÓS 5:18

¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

AMÓS 9:10

Ñuca acllashcapuramanta: “Llaquicunaca mana ñucanchicpacman shamungachu, shinallatac chai llaquicunaca mana japingachu” nic, juchayuc runacunataca espadahuanmi huañuchinga» ninmi.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

SAN MATEO 24:48

Ashtahuanpish mana cazuc servicca: “Ñuca amoca mana utca shamungachu” yuyashpami,

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

2 PEDRO 3:4

«Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.

APOCALIPSIS 18:17

Cai tucui charishcacunaca shuc ñahui quimllaillapimi tucui tucurishca» ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayarircacuna.