AMÓS 5:4 - Dios Rimashcata Quillcashcami

⁴ Chashna cacpipish, Mandac Diosca israelcunataca: «Ñucapacman shamuichic, causanguichicmi.

AMÓS 5:4 Iomraidhean Croise

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 20:3

Shina huillacpimi, Josafatca mancharishpa, Mandac Dios-huan parlangapac yallita llaquirishpa cumurirca. Shina llaquirishpaca, mana micushpa Diosta mañachunmi, tucui Judá llactapi causaccunata mandarca.

2 CRÓNICAS 20:4

Shina huillacpimi, Judá llactapi causaccunaca tucui Judá pueblocunamanta Mandac Diosta ayudaiyari nishpa mañangapac shamurcacuna.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

SALMOS 14:2

Paita mashcac alli yuyaiyucca maijanllapish tiyangami nishpami, Mandac Diosca huañunalla gentecunataca jahua pachamanta ricurca.

SALMOS 22:26

Chaipica huacchacunaca mana nictami micungacuna. Mandac Diosta mashcaccunaca paitami alli ningacuna. ¡Paicunaca unaitami causangacuna!

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 69:32

Chaita ricushpaca llaquichishca runacunaca cushicungami. Diosta mashcaichic. Chashna mashcaccunaca shungupi causaita charinguichicmi.

SALMOS 69:33

Mandac Diosca huacchacuna mañashcata uyanmi. Pai acllashcacuna prezu cachunpish mana saquinchu.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

EZEQUIEL 18:9

Ñuca mandashcacunatapish quillcachishcacunatapish tucuita pactachishpami causan. Paica cashcata ruhuac cashcamantami mana huañunga. Chaitaca Mandac Dios ñucami nini.

OSEAS 10:12

Chaimanta cunanca, alli muyuta tarpuc shina cashcata ruhuaichic. Mandac Diospac cuyaitaca cosechac shina japichic. Cunan punzhacunaca Mandac Dios ñucata mashcana punzhacunami. Chaimanta allpata tarpungapac allichichic. Ñuca shamushpa cashcata ruhuanata yachachingacamanmi chashna allichirina canguichic.

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

SAN MATEO 7:8

Maijanpish mañacca japinmi. Maijanpish mashcacca tarinmi. Huasiyuc nictaca yaicuchinmi.

DEUTERONOMIO 32:46

«Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.