AMÓS 4:8 - Dios Rimashcata Quillcashcami

⁸ Chaimantami ishcai, quimsa llactacuna shuc llactaman yacuta mañangapac shamun. Shina mañashpapish mana yacunayaitaca pasachircachu. Chashna llaqui tiyacpipish, cancunaca mana ñucapacman cutirircanguichicchu.

AMÓS 4:8 Iomraidhean Croise

1 REYES 18:5

Paitami mandac Acabca: —Ima animalcuna illaclla ama saquiringapac, yacu llucshina pambacunapi, huaicu yacucunapi quihuata ricumugri. Chaipi caballocunata, mulacunata michingapac— nirca.

ISAÍAS 9:12

Chaimantami inti llucshina ladomantaca siriocunata, inti tigrana ladomantaca filisteocunata pushamunga. Paicunami israelcunataca shuc amullita shina ruhuashpa tucuchinga. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 3:7

Ñucaca: “Chai tucuita ruhuashca quipaca, ñucapacman cutimungami” yuyarcanimi. Ashtahuanpish mana cutimurcachu. Chaitami mana cazuc paipac ñaña Judapish ricurca.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

OSEAS 11:5

Paicuna ñucapacman mana cutinata munashcamantami Egipto llactamanca mana cutinga. Ashtahuanpish Asiria llactapi causaccunami paicunata jatun mandac tucunga.

OSEAS 7:10

Israelcunataca paicuna jatun tucushcallatacmi llaquichinga. Shina cacpipish, paicunaca Mandac Dios ñucapacman cutinata mana munanchu. Paitaca mana mashcanchu.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

HAGEO 2:17

Ñuca, cancuna tarpushca chagracunata rupac huairahuan, shuctac ungüihuan, runduhuan chingachicpipish, mana ñucapacman cutirircanguichicchu.