AMÓS 4:10 - Dios Rimashcata Quillcashcami

¹⁰ Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

AMÓS 4:10 Iomraidhean Croise

2 REYES 10:32

Chai punzhacunami Mandac Dios Israel llactataca tucuchi callarirca. Chaimantami Siria llactata jatun mandac Hazaelca paipac llacta ladolla tucui llactacunahuan macanacushpa misharca.

2 REYES 13:3

Chaimantami Mandac Diosca israelcunahuan nina japiric shina piñarishpa, Siria llactata jatun mandac Hazaelpac maquipi, Hazaelpac churi Ben-adadpac maquipi tauca huatacunata llaquita apachun churarca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

2 REYES 8:12

Chaimantami Hazaelca: —Ñuca mandaclla, ¿ima nishpatac huacangui?— nishpa tapurca. Shina nicpimi paica: —Israelcunata can llaquichigricushcatami yachani. Canca paicunapac torrecunatapish rupachigringuimi. Mosocunatapish espadahuan huañuchigringuimi. Huahuacunata japishpa pambata shitagringuimi. Huicsayuc huarmicunatapish huicsata pascashpa huañuchigringuimi— nirca.

ÉXODO 10:27

Shina cacpipish, Mandac Diosllatac Faraonpac shunguta sinchiyachicpimi, israelcunataca mana cacharirca.

ÉXODO 10:3

Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 8:19

Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.

ÉXODO 9:12

Mandac Diosca Moisesta nishca shinami Faraonpac shunguta sinchiyachirca. Chaimantami mana cazurca.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

ISAÍAS 34:3

Chai huañushca cuerpocunataca shitashpami saquinga. Chai cuerpocunaca yallitami ashnanga. Paicunapac yahuarhuanmi urcucunaca yacuyanga.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 9:12

Chaimantami inti llucshina ladomantaca siriocunata, inti tigrana ladomantaca filisteocunata pushamunga. Paicunami israelcunataca shuc amullita shina ruhuashpa tucuchinga. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 11:22

Chaimantami tucuita Mandac Diosca: «Ñucami paicunataca llaquichigrini. Quipa huiñai huambracunaca jatun macanacuipimi huañunga. Paicunapac churicunapish, ushicunapish yarcaihuanmi huañunga.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 18:21

Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

JEREMÍAS 48:15

Ñucaca Jatun Mandacmi cani. Ñuca shutica tucuita Mandac Diosmi. Moab llactaca ñami tucuringa. Llactacunapish tucuimi urmanga. Huambrarac runacunatapish cungata pitishpami huañuchinga.

JEREMÍAS 49:26

Chaimantami quipa huiñaicunaca plazacunapi huañunga. Chai punzhapica alli macanacuc soldadocunami huañunga.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 6:11

Chaimantami can Mandac Dios piñarishca shinallatac ñucapish yallita piñarishpa, mana ricunayachini» nircani. Shina nicpimi, Mandac Diosca: «Ñanpi puricuc huahuacunatapish, tandanacushca mosocunatapish llaquichi. Cusapish, huarmipish, tauca huatayuc yuyacpish, prezu apashcami canga.

JEREMÍAS 9:22

Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

OSEAS 11:5

Paicuna ñucapacman mana cutinata munashcamantami Egipto llactamanca mana cutinga. Ashtahuanpish Asiria llactapi causaccunami paicunata jatun mandac tucunga.

JOEL 2:20

Jahua llactamanta cancunata llaquichiccuna shamucpica, carumanmi cachasha. Paicunataca shitashca pambamanmi catishpa cachasha. Ñaupashpa shamuccunataca inti llucshina lado mama cuchapimi shitasha. Huashata caticcunataca inti tigrana lado mama cuchapimi shitasha. Chaipimi ismushpa yallita ashnanga. Yalli llaquita ruhuashcamantami chashna ruhuasha» ninmi.

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

AMÓS 8:3

Chai llaqui punzhapica ñuca huasipi cantaccunapish huacangami. Achca huañushcacunami siricunga. Chai huañushcacunataca tucui ladocunapimi shitanga. Chaitaca Mandac Dios ñucami nini— nirca.

HAGEO 2:17

Ñuca, cancuna tarpushca chagracunata rupac huairahuan, shuctac ungüihuan, runduhuan chingachicpipish, mana ñucapacman cutirircanguichicchu.

DEUTERONOMIO 28:21

Mandac Diosca cancuna causagricuc llactapica, cancuna tucuringacamanmi ungüicunata cachashpa llaquichinga.

DEUTERONOMIO 28:22

Mandac Diosca tuberculosis, fiebre, pungui, rupachic ungüicunahuanmi llaquichinga. Chagracunatapish intihuan yallita rupachishpa, huairahuan yallita chaquichishpami cancuna tucuringacaman llaquichicunga.

DEUTERONOMIO 28:60

Egipto llactapi llaquichishca shina manchana plagacunahuan llaquichinga. Chai plagacunaca cancunamantaca mana anchuringachu.

DEUTERONOMIO 7:15

Mandac Diosca cancunamantaca nanaicunatapish, Egipto llactapi cancuna ricushca, manchana ungüicunatapish anchuchingami. Chai ungüicunaca cancunataca mana japingachu, ashtahuanpish cancunata mana ricunayachic gentecunatami japinga.