AMÓS 4:1 - Dios Rimashcata Quillcashcami

¹ Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

AMÓS 4:1 Iomraidhean Croise

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

JOB 20:19

Chaica, huacchacunata llaquichishpa, imata charishcacunata quichushpa, mana huasiyuc cashpapish, quichushpami huasiyuc tucushca.

JOB 24:4

Imatapish mana chariccunataca ñanmantami callpachincuna. Cai pachapi causac huacchacunaca paicunata manchashpami miticuncuna.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 140:12

Mandac Dios huacchacunata cuidac cashcatapish, cashcata ruhuac cashcatapish yachanimi.

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

PROVERBIOS 22:7

Chayuc runaca huacchacunapac mandacmi tucun. Cullquita mañac runaca mañachic runapac randishca shinami tucun.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

ISAÍAS 28:1

¡Aij, machashpalla causac jatun tucushca Efraín aillulla! Sumac chagra pambamanta jahua uma quingraipi tiyac corona shinami. Vinota ubiashpallami causan. Paicunaca anguyaclla sisa shinami.

ISAÍAS 5:8

¡Aij, shuctac shuctac huasicunata shayachiccunalla, cancunaca pimanpish mana saquishpami, allpacunata japishpa mirachinguichic! ¡Tucui cai llactapica cancunallami causagringuichic!

ISAÍAS 56:12

Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

JEREMÍAS 50:27

¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 51:34

Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

JEREMÍAS 6:6

Tucuita Mandac Diosca: «¡Jerusalenta llaquichingapac yuracunata pitichic! ¡Allpata montonaichic! Tucui cai llactapica llaquichina yuyaillami tiyan. Chaimantami caipi causaccunaca llaquichishca canga.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

EZEQUIEL 22:12

Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

EZEQUIEL 22:27

Mandaccunapish animalcunata japic atuc shinami, millaita ruhuashpa cullquita japingaraicu gentecunata huañuchishpa, yahuarta jichancuna.

EZEQUIEL 22:29

Cai pueblopi causaccunaca llaquichina, shuhuana, llullana yuyaillahuanmi causancuna. Llaquilla causaccunatapish, huacchacunatapish, shuctac llacta runacunatapish yallitami llaquichin.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 39:18

Sinchi runacunapac aichatami micunguichic. Llactata mandaccunapac yahuartami ubianguichic. Paicunaca Basán urcupi huirayashca cari ovejacuna, maltón ovejacuna, cari chivocuna, huagracuna shinami.

JOEL 3:3

Suerteta ruhuashpami, ñuca acllashcacunataca chaupinacurca. Churicunataca cullquimanta huainayac huarmihuanmi cambiarca. Ushicunataca vinota ubiangapacmi caturca.

AMÓS 3:1

Israelcunalla, Egiptomanta llucchimuc, cancunata Mandac Dios rimarishcata uyaichic. Paica:

AMÓS 3:3

Shuc runa manarac shuc yuyailla tucushpaca, ¿shuc runaca, shuc runahuan ishcai tucushpa puringachu?

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

AMÓS 6:1

¡Sionpi cushilla causaccunalla, Samaria urcupi imatapish mana manchashpa causaccunalla! Tucui llactamanta ashtahuan alli nishca mandaccunami canguichic. Chaimantami israelcunaca cancunapacman shamun.

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

NÚMEROS 21:33

Chaimanta cutishpaca, Basán llactaman rina ñantami huichaiman rirca. Paicuna chaita ricucpimi, Basán llactata jatun mandac Ogca tucui paipac gentecunahuan Edreipi macanacungapac llucshirca.

DEUTERONOMIO 24:14

Imata mana charic, huaccha trabajac runataca cancunapura cacpipish, shuc llacta runa cancunapac llactapi causac runa cacpipish, ama llaquichinguichicchu.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.