AMÓS 3:7 - Dios Rimashcata Quillcashcami

⁷ Mandac Diosca, pai ima nishcata huillac, paita serviccunaman manarac huillashpaca mana llaquichingachu.

AMÓS 3:7 Iomraidhean Croise

GÉNESIS 18:17

Chaipimi Mandac Diosca: «Ñuca imata ruhuagricushcataca Abrahammanca, ¿mana huillashpa pacashachu?

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

2 REYES 22:13

«Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

2 REYES 22:20

Chaimantami can huañucpipish, cambac ñaupa taitacunahuan tandachisha. Canca ima llaquipish illacmi enterrashca cangui. Tucui jatun llaquicunata cai llactaman cachactaca canca mana ricunguichu’ ninmi” nigrichic» nirca. Chashna nicpimi jatun mandacman huillangapac cutircacuna.

2 REYES 6:12

Shina nicpi, servicpuramanta shucca: —Jatun mandac, ñuca amolla, pipish mana huillashcanchicchu. Ashtahuanpish, Dios ima nishcata huillac Israel llactapi causac Eliseomi Israel llactata jatun mandacman huillan. Can sueñuna ucupi imata pacalla parlanacushcatapish tucuimi huillan— nirca.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

ISAÍAS 18:4

Mandac Diosca: «Ñuca mandacuc huasimantaca tamyashca quipa inti sumacta achicyachic shina, cosechana punzhacunapi tamya puyu shinami, casilla tiyarishpa ricusha.

JEREMÍAS 23:22

Ñuca acllashcacuna ñuca cunashcata uyashca cacpica, ñuca rimashcatami huillaiman carcani. Shina huillashpaca, mana alli causaccunatapish, mana allita ruhuaccunatapish allita ruhuanatami yachachishpa ñucapacman cutichimuiman carca» ninmi.

EZEQUIEL 29:21

Chai punzhacunami israelcunataca cutin sinchiyachisha. Ezequiel, canmi paicunapac chaupipi rimangui. Chaita ruhuacpimi, ñucataca Mandac Dios cashcata yachangacuna» nirca.

DANIEL 10:21

Ashtahuanpish ñucaca cashcata nic libropi imata nicushcatami huillagrini. Ñuca paicunahuan macanacucucpica pi mana ayudac shamunchu. Ashtahuanpish cancunata mandac Miguel-llami ayudac shamun” nirca.

DANIEL 11:2

Cunanca, ñucaca chashnatac cashcatami huillagrini. Persia llactapica ashtahuan quimsa jatun mandaccuna mandangaracmi. Cutin chuscuniqui jatun mandacca paicunata yalli chayucmi canga. Paica chashna chayuc cashcamanta sinchi cashpami, Grecia llactata jatun mandac-huan macanacungapac tucuita jatarichinga.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

APOCALIPSIS 1:19

Can imata ricushcatapish, cunan ima tucushcatapish, shinallatac quipaman ima tucuna cashcatapish quillcai.

APOCALIPSIS 10:7

Ashtahuanpish canchisniqui ángel trompetapi tocacpica, Diosmanta ñaupa huillac, paipacta ruhuaccunaman huillashca shinami, pai imata ruhuasha nishcataca pactachinga» nirca.

APOCALIPSIS 4:1

Chai quipaca jahua pachapi pungu pascashcatami ricurcani. Puntaman uyarishca shinallatacmi, trompetapi tocac shina shuc rimashca uyarishpaca: «Caiman huichicui, caipica quipaman ima shina tucuna cashcatami ricuchigrini» nirca.

1 SAMUEL 9:15

Saúl chayangapac shuc punzha siricpimi, Mandac Diosca Samuelman rimashpaca: