AMÓS 2:7 - Dios Rimashcata Quillcashcami

⁷ Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

AMÓS 2:7 Iomraidhean Croise

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

1 REYES 21:4

Nabot: «Ñuca taitacuna saquishca allpata mana cushachu» nishcamantami, Acabca mai llaquirishpa piñarishcata ricuchishpa paipac huasiman rirca. Huasiman chayashpaca camapi siririshpa pirca ladota chapashpami micunatapish mana munarca.

PROVERBIOS 28:21

Ñahuita ricushpalla chicanyachinaca mana allichu. Maijancunaca ashalla micunallamantami juchallincuna.

ISAÍAS 10:1

¡Aij, mana alli mandashcacunata churaccunalla! ¡Shuccunata llaquichingapac mandashcata churaccunalla!

ISAÍAS 10:2

¡Huacchacunata llaquichingapac, llaquilla causac ñuca acllashcacuna japina cashcata quichungapac, viudamanta, taita mama illac huahuacunamanta shuhuangapacmi chashnaca ruhuanguichic!

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

ISAÍAS 3:15

Ñuca acllashca llactataca, ¿imamantatac llaquichinguichic? ¿Imamantatac huacchacunataca ñahuipi sarunguichic?” nishpami, Mandac Diosca riman.

EZEQUIEL 22:11

Maijancunaca shucpac huarmihuanmi huainayan. Quiquin nuerahuan, quiquin panillahuan sueñushpami pingana juchata ruhuan.

EZEQUIEL 36:20

Ashtahuanpish paicuna shuctac llactacunaman chayacpi, chai llacta gentecunaca: “¡Paicunaca Mandac Diospac acllashca gentecuna cashpapish, paipac llactamantami llucshimushca!” nishpa, burlashpami ñucapac jucha illac shutita yangapi churarca.

OSEAS 4:14

Can caricunallatacmi huainayac huarmicunahuan huainayanguichic. Chai huarmicunahuami animalta cushpa huañuchinguichic. Chaimantami cancunapac ushicunatapish, nueracunatapish chashna huainayashcamantaca mana llaquichisha. Chaimantami gentecunaca mana yachashcamanta pandaringa.

LEVÍTICO 18:15

Ama churipac huarmihuan chayaringuichu. Paica cambac nuerami.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

LEVÍTICO 18:8

Ama taitapac quipa huarmihuan chayarishpa, taitata pingaichinguichu.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

MIQUEAS 2:9

Ñuca llactapi causac huarmicunatapish paicuna cushilla causana huasicunamantami llucchishpa cacharcanguichic. Paicunaman ñuca cushca huahuacunatapish huiñaitami quichurcanguichic.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

ROMANOS 2:24

Dios quillcachishcapica: «Cancunamantami mana israelcunaca Diosta mana alli nishpa rimancuna» ninmi.

1 CORINTIOS 5:1

Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.