AMÓS 1:8 - Dios Rimashcata Quillcashcami

⁸ Asdodpi causaccunatapish, Ascalón llactata mandaccunatapish tucuchishami. Ecrón llactapi causaccunataca piñarishpa llaquichicpica, maijan saquirishca filisteocunapish huañungami. Chaitaca Mandac Dios ñucami nini» ninmi.

AMÓS 1:8 Iomraidhean Croise

2 CRÓNICAS 26:6

Uziasca filisteocunahuan macanacungapac llucshishpaca, Gat, Jabnia, Asdod pueblo muyundi jatun pircacunatami urmachirca. Chai quipaca Asdod llacta muyundipipish, filisteocunapac llactapipish shuctac pueblocunatami shayachirca.

SALMOS 81:14

paicunata piñaccunataca utcashpami llaquichiman carcani! Paicunata mana ricunayachiccunataca ñuca maquihuanmi tucuchiman carcani» nishca uyarirca.

ISAÍAS 1:25

Ñucaca canhuan yallita piñarishpami, lejiahuan cambac juchacunata jahuashpa, tucui millaicunata anchuchisha.

ISAÍAS 20:1

Asiria llactata jatun mandac Sargonca paipac soldadocunata mandac Tartantami Asdod llactaman cacharca. Chashna cachacpimi, chai llactapi causaccunahuan macanacushpa, chai llactata japirca.

JEREMÍAS 47:1

Gaza llactapi causac filisteocunata jatun mandac Faraón manarac llaquichicpimi, Mandac Diosca filisteocunamanta pai ima nishcata huillac Jeremiasman huillarca.

EZEQUIEL 25:16

Chaimantami filisteocunataca llaquichisha. Ñuca maquita alzashpa cereteocunatapish, mama cucha ladopi causaccunatapish tucuchisha.

JOEL 3:4

Tiro llactapi, Sidón llactapi, tucui Filistea llactapi causaccunalla, ñucataca ¿imatatac ruhuasha ninguichic? ¿Cancunata llaquichishca shinallatacchu llaquichisha ninguichic? Chashna ruhuacpica, cancuna japina cashcataca ñallami cugrini.

AMÓS 1:7

Chaimantami Gaza muyundi pircapica ninata churasha. Chai ninami mandashpa tiyana huasicunatapish tucui rupachinga.

AMÓS 3:9

Asdod llactapi, Egipto llactapi mandashpa tiyana huasicunapipish huillashpaca: «¡Samaria urcupi tandanacushpa, chai llacta llaqui tucushcata, chaipi causaccuna llaquilla causacushcata ricuichicyari!» nichic ninmi.

ABDÍAS 1:18

Jacobopac huahua huahuacunaca nina shinami canga. Josepac huahua huahuacunaca rupacuc nina shinami canga. Esaupac huahua huahuacunaca ucsha shinami canga. Shina rupachicpica, shucllapish mana saquiringachu. Chaitaca Mandac Dios ñucami nini» ninmi.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

ZACARÍAS 9:5

Chaita ricushpaca, Ascalón llactapi causaccunapish, Gaza llactapi causaccunapish yallita llaquirishpa chucchungami. Ecrón llactapi causaccunaca imata mana ruhuai pudishpa, yallita llaquiringami. Gaza llactata jatun mandacpish huañungami. Ascalón pueblopica pipish mana causangachu.

ZACARÍAS 9:6

Asdod llactapica shuctac llacta runacunami causanga. Chaipimi jatun tucushca filisteocunataca tucuchisha.

1 SAMUEL 6:17

Filisteocuna paicunapac juchamanta Mandac Diosman cushca curi chupucunaca: Shuctaca Asdodmanta, shuctaca Gazamanta, shuctaca Ascalonmanta, shuctaca Gatmanta, shuctaca Ecrón pueblomantami curca.