AMÓS 1:3 - Dios Rimashcata Quillcashcami

³ Mandac Diosca: «Damascopi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Galaad llactapi causaccunataca trillana fierrohuanmi llaquichirca.

AMÓS 1:3 Iomraidhean Croise

1 REYES 19:17

Chashna ruhuacpimi, Hazaelpac espadahuan huañuchinamanta miticushpa rictaca Jehú huañuchinga. Jehupac espadahuan huañuchinamanta miticushpa rictaca Eliseo huañuchinga.

2 REYES 13:3

Chaimantami Mandac Diosca israelcunahuan nina japiric shina piñarishpa, Siria llactata jatun mandac Hazaelpac maquipi, Hazaelpac churi Ben-adadpac maquipi tauca huatacunata llaquita apachun churarca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

2 REYES 8:12

Chaimantami Hazaelca: —Ñuca mandaclla, ¿ima nishpatac huacangui?— nishpa tapurca. Shina nicpimi paica: —Israelcunata can llaquichigricushcatami yachani. Canca paicunapac torrecunatapish rupachigringuimi. Mosocunatapish espadahuan huañuchigringuimi. Huahuacunata japishpa pambata shitagringuimi. Huicsayuc huarmicunatapish huicsata pascashpa huañuchigringuimi— nirca.

JOB 19:3

Ñucataca chunga cutinmi rimaringuichic. Ñucata mana alli nishpa rimarinataca, ¿manachu pinganayan?

JOB 5:19

Sucta cutin llaquicuna japicpipish, cacharichingami. Canchis llaquica ña mana japingachu.

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

ECLESIASTÉS 11:2

Llactaman ima llaqui shamunataca mana yachanguichu. Canchismanpish, mana cashpaca pusacmanpish carailla.

ISAÍAS 28:27

Eneldo granotaca mana trillana pambapichu trillan. Comino granotapish mana carretahuanchu trillan. Ashtahuanpish eneldotaca varallahuanmi huactan. Cominotaca caspillahuanmi huactan.

ISAÍAS 41:15

Riquichic, cancunataca trillana mushuc fierrota shinami churani. Quirusapa mushuc lastrillo shinatami ruhuani. Urcucunataca trillac shinami polvonguichic. Lomacunataca cupata trillac shinami ñutuchinguichic.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.

ISAÍAS 7:8

Chaica, Siria llactata mandacca Damascomi. Damascopac mandacca Rezinmi. Sucta chunga pichca huatapica Efrainpac llactaca ña mana llacta saquiringachu.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

AMÓS 1:11

Mandac Diosca: «Edom llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca quiquin huauquicunatami mana llaquishpa, espadahuan huañuchirca. Paicunaca yallita piñarishpami, paicuna munashcata ruhuashpa llaquichishpa causarca.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 1:6

Mandac Diosca: «Gazapi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactapi causaccunaman cungapacmi shuc llactapi tucui causaccunata prezu aparca.

AMÓS 1:9

Mandac Diosca: «Tiropi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca huauquicunahuan ari nishcata mana yuyarishpami, shuc llactapi causaccunata prezushpa, Edom llactapi causaccunaman curca.

AMÓS 2:1

Mandac Diosca: «Moab llactapi causaccunataca, catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactata jatun mandacpac tullucunataca uchupa tucungacamanmi rupachirca.

AMÓS 2:4

Mandac Diosca: «Judá llactapi causaccunataca, paicuna catipi quimsa cutin, chuscu cutin juchallishcamanta llaquichinata manatac saquishachu. Paicunaca Mandac Dios ñuca mandashcata yangami churashpami, pai yachachishcacunatapish mana cazurca. Paicunapac ñaupa taitacunapac dioscunata catishpami pandarirca.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

ZACARÍAS 9:1

Mandac Diosca Hadrac llactata, Damasco llactata llaquichinatami huillacun. Shinallatac cai pachapi causaccunatapish, tucui Israel aillucunatapish chaparacunmi.

ZACARÍAS 9:2

Shinallatac Israel llacta cuchullapi cac Hamat llactatapish, Tiro, Sidón llactacunatapish chaipi causaccuna yallita yachaccuna cacpipish chaparacunmi.