AMÓS 1:2 - Dios Rimashcata Quillcashcami

² Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

AMÓS 1:2 Iomraidhean Croise

SALMOS 29:4

Mandac Dios rimashcaca imatapish ruhuai tucunmi. Mandac Dios rimashcaca sumaimanamari.

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

JEREMÍAS 25:30

Can Jeremías paicunaman huillashpaca: “Mandac Diosca jahuamantami caparishpa shamunga. Pai causacuc jucha illac huasimantami sinchita rimanga. Pai acllashcacunata piñashpami caparishpa shamunga. Cai llactapi causaccunataca caparishpa uvasta saruc runa shinami ruhuanga.

JEREMÍAS 28:8

Chaica, sarun huatacunapi canpish, ñucapish manarac tiyacpimi, huillaccunaca llactacunapipish, jatun llactacunapipish macanacuicuna, llaquicuna, yalli ungüicuna tiyanata huillashca.

JEREMÍAS 50:19

Israelcunataca paicunapac llactamanmi cutichimusha. Chashna cutichimucpimi, ñuca ovejacunaca Carmelo, Basán, Efraín, Galaad urcucunapi alli micushpa huirayanga.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

OSEAS 13:8

Huahuacunata chingachishpa puricuc mama oso shinami, tupangapac llucchishpa shunguta polvosha. León sacha animalcuna micuc shinami, ñutuchishpa tucuchisha.

JOEL 1:19

Mandac Dioslla, canllatami caparishpa mañasha. Michina pambatapish, tucui sacha yuracunatapish nina llamasmi tucuchicun.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

NAHÚM 1:4

Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

1 SAMUEL 25:2

Maón pueblopi causac shuc runami Carmel pueblopi shuc haciendata charirca. Paica chayucmi carca. Paica quimsa huaranga ovejata, shuc huaranga chivotami charirca. Chai runaca Carmel pueblopimi ovejacunata rutucurca.