3 JUAN 1:12 - Dios Rimashcata Quillcashcami

¹² Demetriomantaca pai ruhuashcacuna alli cashcamantatacmi tucui mashna alli nincuna. Ñucanchicpish pai ima shina cashcataca huillanchicmi. Ñucanchic huillashca mana llulla cashcataca, cancunallatac yachanguichicmi.

Nuevo Testamento en Quichua Cañar 1996

¹² Demetrio runamantaca tucui mashnami alli nincuna. Cashcata nic huillashcapish pai alli cashcatami ricuchin. Shinallatac ñucanchicpish pai ima shina cashcataca huillanchicmi. Ñucanchic huillashca mana llulla cashcataca, cancunallatac yachanguichicmi.

3 JUAN 1:12 Iomraidhean Croise

SAN JUAN 19:35

Tucui caicunata ricushpami, mana llullashpa huillacuni. Cai huillashcaca mana llullachu. Cancuna crichunmi, imatapish cashcata yachashpa huillacuni.

SAN JUAN 21:24

Chai yachacucllatacmi caicunamanta huillacpish, caicunata quillcacpish can. Shinallatac pai huillashcaca mana llulla cashcatapish yachanchicmi.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 22:12

Chaipica, Moisés mandashcacunata alli cazuc, chaipi causac israelcunapacpish alli nishca Ananiasmi causacushca carca.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

1 TESALONICENSES 4:12

Chashna ruhuashpa causashpami, imapish mana illaclla, shinallatac mana criccunapacpish alli nishca causanguichic.

1 TIMOTEO 3:7

Ima llaquipi, supaipac ima pandachinapi ama urmangapacca, tucui gentecunapac alli nishcami cana can.

1 SAMUEL 12:4

Shina nicpimi paicunaca: —Pita mana juchanchircanguichu, mana llaquichircanguichu. Maijanpac maquimantapish imata mana japircanguichu— nircacuna.