2 SAMUEL 9:8 - Dios Rimashcata Quillcashcami

⁸ Shina nicpimi, Mefi-boset cumurishpaca: —Jatun mandaclla, ñuca huañushca allcu shinamanca, ¿ima nishpatac chashna allicunata ruhuasha ninguiyari?— nirca.

2 SAMUEL 9:8 Iomraidhean Croise

2 SAMUEL 16:9

Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

2 SAMUEL 24:14

Shina nicpimi, Davidca Gadtaca: —Yallitami shungupi llaquiricuni. Gentecunapac maquipi llaquita apanapac randica Mandac Diospac maquipi urmanatami munai— nirca.

2 SAMUEL 3:8

Chashna tapucpimi Abnerca yallita piñarishpaca: —¿Ñucaca Judá llactapi causaccunapac allcu uma shinachu cani? Ñucaca cambac taita Saulpac huasi ucupuratapish, paipac ricsishcacunatapish, huauquicunatapish llaquishpami cantaca Davidpac maquipi mana churarcani. ¿Chashna canman allita ruhuashca jahuachu ñucataca cai huarmipac juchamanta juchanchingui?

2 REYES 8:13

Shina nicpi, Hazaelca: —Canta servic yanga allcu shina ñucaca, ¿maitatac chai mancharina llaquicunataca ruhuashayari?— nirca. Shina nicpimi Eliseoca: —Mandac Diosmi can Siria llactata mandagricushcata ricuchishca— nirca.

1 SAMUEL 26:20

Cunanca, Mandac Diospac ñaupamanta caru llactapi ñuca yahuarta jichachun ama saquinguichuyari. Ashtahuanpish israelcunata jatun mandacca sachapi yututa catic shina, piquita catic shinami japingapac llucshishca— nirca.