2 SAMUEL 9:7 - Dios Rimashcata Quillcashcami

⁷ Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

2 SAMUEL 9:7 Iomraidhean Croise

GÉNESIS 43:18

Shina Josepac huasiman pushacpimi, paicunaca mancharishpa: —Punta shamuipi ñucanchic tulucunapi cullquita cutichishpa apashcamantami ñucanchictaca tucllahuan shina japishpa, burrocunandi paita servichun pushamushca yuyachin— ninacurca.

GÉNESIS 43:23

Shina nicpimi, chai mayordomoca: —Ama manchaichicchu, cushilla chai cullquihuanca saquirichiclla. Cancunapac, shinallatac cancunapac taitapac Diosllatacmi cancunapac tulupi cullquita churashpa cushca. Ñucaca cancuna cushca cullquitaca chasquircanimi— nirca. Chashna nishpami, Simeonta llucchishpa, paicunaman curca.

2 SAMUEL 12:8

Cambac amopac mandanatapish, paipac huarmicunatapish canman curcani. Shinallatac Israel llactatapish, Judá llactatapish can mandachun curcanimi. Chaicunata cushca jahuapish, ashtahuan mirachishpami cuiman carcani.

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 19:29

Shina nicpimi, jatun mandacca: —Canmantaca ashtahuan imata mana nisha ninichu. Canhuan Sibahuan allpata chaupinacuichiclla— nirca.

2 SAMUEL 19:33

Chaimantami jatun mandacca Barzilaitaca: —Ñucahuan Jerusalemman jacu. Ñucami cantaca ayudashpa charisha— nirca.

2 SAMUEL 21:7

Jatun mandac Saulpac churi Jonatanpac churi Mefi-bosettaca perdonarcami. Chaica mana llaquichinacungapacmi Jonatanhuan Davidhuan ari nishca carca.

2 SAMUEL 9:1

Chai quipami Davidca: «¿Jonatanta cuyashcamanta ayudangapac Saulpac huasi ucupuramanta maijan causacungaracchu?» nishpa tapurca

2 SAMUEL 9:10

Canpish, cambac churipish, canta serviccunapish paiman allpapi trabajashpa granota pucuchinguichic. Shinallatac chai pucushcacunataca cambac amopac nieto Mefi-boset micunata charichun huacaichinguichic. Shina cacpipish, Mefi-bosetca punzhantami ñuca mizapi micunga— nirca. Sibaca chunga pichca churita, ishcai chunga servictami charirca.

2 SAMUEL 9:11

Sibaca jatun mandac Davidtaca: —Canta servic ñucaca can mandashca shinallatacmi ruhuasha— nirca. Cutin Mefi-bosetca jatun mandac shinami, jatun mandac Davidhuan mizapi micuc carca.

2 SAMUEL 9:13

Mefi-bosetca jatun mandac-huan micushpa causac cashcamantami Jerusalenpi causarca. Paica ishcai chaquita lisiadomi carca.

2 SAMUEL 9:3

Shina nicpimi, jatun mandac Davidca: —Dios cuyac cashcata ricuchingapac Saulpac huasi ucupuracunaca, ¿manachu maijanllapish saquirishca?— nishpa tapurca. Shina tapucpimi paica: —Jonatanpac shuc churi tiyanracmi. Paica ishcai chaquita lisiadomi— nirca.

1 REYES 2:7

Ashtahuanpish, galaaditapura Barzilaipac churicunataca llaquishpa, micuna mizaman cayashpa carangui. Cambac huauqui Absalonmanta miticushpa ricucucpica, paicunaca ñucamanca allitami ruhuarcacuna.

2 REYES 25:29

Shinallatac carcelpi cana churanata llucchishpa, shuc churanata churachishpami, paipac tucui causaipi jatun mandac-huan micuchun saquirca.

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

JEREMÍAS 52:33

Carcelpi churarinata llucchishpami, shuctac alli churanata churachirca. Chai punzhamanta pachami Joaquinca paipac tucui causaipi chai llactata jatun mandac-huan punzhanta mizapi micushpa causarca.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

SAN MATEO 6:11

Punzhanta micuna tandataca, cunan punzhapish carai.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.

1 SAMUEL 12:24

Mandac Diosllatac manchashpa, tucui shunguhuan servishpa causaichic. Cancunamanca Mandac Diosca achca allicunata ruhuashcataca allitami yuyarina canguichic.

1 SAMUEL 20:15

ñuca familiataca tucui causaipi llaquingui. Davidta piñaccunata Mandac Dios cai pachamanta shucllancaman tucuchicpipish ñuca huasi ucupuracunata llaquinataca amatac saquinguichu— nirca.

1 SAMUEL 22:23

Shina cacpipish, canca ama manchaichu ñucahuan saquirilla. Ñucata huañuchingapac mashcac runaca cantapish mashcangami. Ashtahuanpish can ñucahuan saquirishpaca imapish mana tucunguichu— nirca.