2 SAMUEL 9:3 - Dios Rimashcata Quillcashcami

³ Shina nicpimi, jatun mandac Davidca: —Dios cuyac cashcata ricuchingapac Saulpac huasi ucupuracunaca, ¿manachu maijanllapish saquirishca?— nishpa tapurca. Shina tapucpimi paica: —Jonatanpac shuc churi tiyanracmi. Paica ishcai chaquita lisiadomi— nirca.

2 SAMUEL 9:3 Iomraidhean Croise

2 SAMUEL 19:26

Shina nicpimi paica: —Jatun mandac ñuca amolla, ñucata servic runami llullarca. Ñucaca: “Canta servic ñucaca lisiado cashpami, burropi montashpa, jatun mandac-huan ringapac parejai” nircani.

2 SAMUEL 19:27

Ashtahuanpish paimi canta servic ñucataca can jatun mandacpac ñaupapi llullashca. Ashtahuanpish jatun mandacca ángel shinami cangui. Shina cashcamanta cambac ima alli cana cashcata ruhuailla.

2 SAMUEL 4:4

Saulpac churi Jonatanca chaquicuna lisiado Mefi-boset churitami charirca. Mefi-boset churi pichca huatayuc cacpimi, Saulpish, Jonatanpish huañushcami nishpa Jezreel pueblomanta huillaccuna chayarca. Chaimantami paita huiñachic mamapish Mefi-boset huahuataca marcashpa miticushpa callpacurca. Chashna utcashpa callpacushpami, huahuataca urmachirca.

2 SAMUEL 9:13

Mefi-bosetca jatun mandac-huan micushpa causac cashcamantami Jerusalenpi causarca. Paica ishcai chaquita lisiadomi carca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

SAN LUCAS 6:36

Chashnallatac Dios ima shinami cancunata llaquin, chai shinallatac shuccunata llaquichic.

DEUTERONOMIO 10:15

Shina cacpipish, Mandac Diosca cancunapac taitacunata cuyarcami. Chaimantami paicunapac huahua huahuacunata tucui llactacunamanta acllarca. Chai acllashcacunaca cancunami canguichic.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.