2 SAMUEL 9:10 - Dios Rimashcata Quillcashcami

¹⁰ Canpish, cambac churipish, canta serviccunapish paiman allpapi trabajashpa granota pucuchinguichic. Shinallatac chai pucushcacunataca cambac amopac nieto Mefi-boset micunata charichun huacaichinguichic. Shina cacpipish, Mefi-bosetca punzhantami ñuca mizapi micunga— nirca. Sibaca chunga pichca churita, ishcai chunga servictami charirca.

2 SAMUEL 9:10 Iomraidhean Croise

2 SAMUEL 16:3

Shina nicpimi, jatun mandac Davidca: —¿Cambac amopac churica maipitac?— nishpa tapurca. Shina tapucpimi Sibaca jatun mandactaca: —Paica: “Ñuca aillu mandanataca cunan punzhallatacmi israelcunaca ñucaman cunga” yuyashpami Jerusalenllapitac saquirca— nirca.

2 SAMUEL 19:18

Paica jatun mandacta ayudashpa pasachishpa pai munashcata ruhuangapacmi jatun yacuta pasarca. Jatun mandac Jordán yacuta ña pasagricpimi, Gerapac churi Simeica paipac ñaupapi cumurishpa,

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 21:7

Jatun mandac Saulpac churi Jonatanpac churi Mefi-bosettaca perdonarcami. Chaica mana llaquichinacungapacmi Jonatanhuan Davidhuan ari nishca carca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

1 REYES 2:7

Ashtahuanpish, galaaditapura Barzilaipac churicunataca llaquishpa, micuna mizaman cayashpa carangui. Cambac huauqui Absalonmanta miticushpa ricucucpica, paicunaca ñucamanca allitami ruhuarcacuna.

2 REYES 25:29

Shinallatac carcelpi cana churanata llucchishpa, shuc churanata churachishpami, paipac tucui causaipi jatun mandac-huan micuchun saquirca.

JEREMÍAS 52:34

Babilonia llactata jatun mandacca Joaquinpac tucui causaipimi punzhanta ima illashcata cushpa, huañungacaman sumacta carashpa charirca.

SAN LUCAS 14:15

Mizapi Jesus-huan tiyacuccunapuramanta shuc runa chashna nicta uyashpaca: —Pipish Dios maipi mandacucpi micungapac chayacca cushicungami— nirca.