2 SAMUEL 8:6 - Dios Rimashcata Quillcashcami

⁶ Shinami Davidca Damasco pueblopi causac siriocunapac chaupipi cuidachun soldadocunata churarca. Chashna ruhuacpimi, siriocunaca Davidta servishpa paiman impuestota cushpa causarca. Mandac Diosca David maiman macanacungapac ricpipish mishachircami.

2 SAMUEL 8:6 Iomraidhean Croise

2 SAMUEL 10:19

Israelcuna chashna macanacushpa aticpimi, jatun mandac Hadad-ezerta ayudac mandaccunaca israelcunahuan alli tucushpa, paicunata servishpa causarca. Chai punzhamanta pachami siriocunaca Amón llacta runacunata ayudanataca mancharca.

2 SAMUEL 23:14

Davidca miticuna pirca huashapimi alli miticushpa tiyacurca. Cutin filisteocunapac macanacuc shuc parte runacunaca Belén pueblopimi carca.

2 SAMUEL 3:18

Cunanca, mandac cachun churailla. Chaica Mandac Diosllatacmi Davidtaca: “Ñucata servic Davidpac maquihuanmi ñuca acllashca israelcunataca filisteocunapac maquimanta, shuctac piñaccunapac maquimantapish quishpichisha” nircami— nirca.

2 SAMUEL 5:10

Mandac Dios Davidhuan cashcamantami paica punzhanta ashtahuan ashtahuan sinchi tucushpa catirca.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

2 SAMUEL 8:14

Chashna atishpami, Edom llacta tucui pueblocunapi cuidac soldadocunata churacpi, edomitacunaca Davidta serviccuna tucurca. David maiman ricpipish, Mandac Diosca paita mishachircami.

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

2 SAMUEL 8:7

Davidca jatun mandac Hadad-ezerpac soldadocunapac curi escudocunata japishpami Jerusalenman aparca.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

2 REYES 1:1

Acab huañushca quipaca Moab llactapi causaccunami israelcunata mana cazushpa cariyarca.

2 REYES 14:28

Jeroboampac shuctac ruhuashcacunapish, imacunallata ruhuashcacunapish, sinchi macanacushcapish, shinallatac Damasco pueblotapish, Hamat pueblotapish Israel llactaman cutichishcapish, Israel llactata jatun mandaccuna imata ruhuashcacunata quillcashcapimi tiyacun.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

2 REYES 3:4

Moab llactata jatun mandac Mesaca achca animaltami charirca. Paica Israel llactata jatun mandac Acabmanca patsac huaranga maltón cari ovejacunata, patsac huaranga manarac rutushca ovejatami cuc carca.

1 CRÓNICAS 18:13

Shina mishashpami, Edom llactapica cuidac soldadocunata churarca. Tucui edomitacunami Davidta servic tucurca. David maiman ricpipish Mandac Diosmi macanacuita mishachirca.

2 CRÓNICAS 17:2

Judá llactapi cac muyundita pircashca pueblocunapica macanacuc soldadocunata, tucui Judá llacta ucupica chapac soldadocunatami churarca. Shinallatac paipac taita quichushca Efraín pueblocunapipish churarcami.

SALMOS 140:7

Ñucata quishpichic Mandac Dioslla, canmi jatun macanacui punzhapica ñuca ama huañuchun cuidarcangui.

SALMOS 60:10

Dioslla, canmi ñucanchicta shitarcangui. Ñucanchic soldadocunahuanpish ña mana llucshinguichu.

PROVERBIOS 21:31

Macanacui punzhapacca caballotami yallita allichincuna. Ashtahuanpish Mandac Dios mishachicpimi mishancuna.

1 SAMUEL 13:3

Urcupi cuidacuc filisteo soldadocunahuan Jonatán macanacushpa atishcatami filisteocunaca yachac chayarca. Chaimantami Saulca: «Israelcuna yachac chayachun» nishpa, tucui Israel llactapi cornetapi tocachirca.

1 SAMUEL 14:1

Shuc punzhami Saulpac churi Jonatanca escudota apac runataca: —Chimbapi cuidacuc filisteocunahuan macanacungapac pasashun— nirca. Shina rishpapish paipac taita Saulman mana huillashpami rirca.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.