2 SAMUEL 8:3 - Dios Rimashcata Quillcashcami

³ Shinallatac Davidca Rehobpac churi jatun mandac Hadad-ezerta atishpami, Soba llactata mandacurca. Chai jatun mandacmi Eufrates yacu cuchulla llactacaman japisha nicurca.

2 SAMUEL 8:3 Iomraidhean Croise

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

2 SAMUEL 10:15

Siriocunaca israelcuna atishcamantami cutinllatac tandanacui callarirca.

2 SAMUEL 10:16

Shina tandanacushpami, Hadad-ezerca Eufrates yacumanta chimba ladoman cac siriocunata pushachun cacharca. Paicunaca Hadad-ezerpac soldadocunata mandac Sobacta mandac cachun churashpami, Helam puebloman chayarca.

2 SAMUEL 10:19

Israelcuna chashna macanacushpa aticpimi, jatun mandac Hadad-ezerta ayudac mandaccunaca israelcunahuan alli tucushpa, paicunata servishpa causarca. Chai punzhamanta pachami siriocunaca Amón llacta runacunata ayudanataca mancharca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

2 SAMUEL 23:36

Soba pueblomanta Natanpac churi Igalpish, gatitapuramanta Banipish,

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 CRÓNICAS 18:3

Shinallatac Davidca Soba llactata jatun mandac Hadad-ezertapish Hamat pueblopimi misharca. Chai mandacca Eufrates jatun yacu ladocamanmi mandagricurca.

2 CRÓNICAS 8:3

Chai quipami, Salomonca Soba llacta Hamat puebloman rishpa, chai pueblotapish japirca.

SALMOS 60:1

Sumac Dioslla, canmi ñucanchicta shitashcangui. Llaqui tucuchunpish saquishcangui. ¡Piñarishca cashpapish ñucanchicta llaquiyari!

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

DEUTERONOMIO 11:24

Maipimi cancuna sarunguichic, chai llactaca cancunapacmi canga. Cancunapac llactaca shitashca pambamanta Libanocaman, Eufrates yacumantaca inti llucshina lado cuchacamanmi canga.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.