2 SAMUEL 8:1 - Dios Rimashcata Quillcashcami

¹ Chai quipaca, Davidca filisteocunahuan macanacushpa atishpami, servichishpa charirca. Shinallatac Meteg-ama pueblotapish filisteocunamantaca quichurcami.

2 SAMUEL 8:1 Iomraidhean Croise

2 SAMUEL 19:9

Shinallatac tucui israelpurapimi: «Jatun mandacca ñucanchicta piñaccunapac, filisteocunapac maquimanta quishpichirca. Cunanca, Absalonta manchashpami miticushpa rishca.

2 SAMUEL 2:24

Shina cacpipish, Joab, Abisaica Abnerta llaquichingapacmi ashtahuan catircacuna. Gía pueblo chimbapurapi tiyac Amma lomaman chayacpica, ñami inti tigrarca. Gía puebloca Gabaón shitashca pambaman rina ñan cuchupimi carca.

2 SAMUEL 22:44

Ñuca llacta gentecuna llaquichisha nicpipish, quishpichircanguimi. Llactacunata mandac cachunmi huacaichircangui. Ñuca mana ricsishca gentecunami servirca.

2 SAMUEL 5:17

Filisteocunaca Davidta israelcuna jatun mandac cachun aceitehuan cahuishcata yachashpami, Davidhuan macanacungapac huichai rirca. Chaita yachashpami, Davidca jatun pircahuan jarcashca puebloman rirca.

2 SAMUEL 5:25

Jatun mandac Davidca Mandac Dios nishca shina ruhuashpami, filisteocunataca Geba pueblomantaca Gezer pueblo yaicunacaman catishpa huañuchirca.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

SALMOS 18:43

Ñuca llacta gentecuna yallita juchanchicpipish, quishpichishpami llactacunata jatun mandacta ruhuarcangui. Ñuca mana ricsishca gentecunapish ñucata servircacunami.

SALMOS 60:2

Allpataca tuñirictami chucchuchingui. Ashtahuanmi tuñiricun. Chaitaca allichiyari.

SALMOS 60:8

Moab llactaca ñuca armarina bateami. Edom llactapimi ñuca ushutata shitasha. Cutin Filistea llactapica mishashpami, cushicushpa caparisha» nirca.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

HEBREOS 11:34

Manchana nina japiricuctapish huañuchircami. Espadahuan huañuchinamantapish atircami. Fuerza illac cashpapish fuerzayuc tucushpami, shuctac llacta piña gentecunatapish macanacushpa atirca.

1 SAMUEL 7:13

Chashna israelcuna filisteocunata mishashpa llaquichicpimi, Israel llactamanca mana cutin yaicui pudirca. Mandac Diospac maquica Samuel tucui causacui punzhacunami filisteocunataca llaquichirca.