2 SAMUEL 7:8 - Dios Rimashcata Quillcashcami

⁸ Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

2 SAMUEL 7:8 Iomraidhean Croise

2 SAMUEL 12:7

Shina nicpimi, Natanca Davidtaca: —Chai runaca canllatacmi cangui. Israelcunata Mandac Diosca: “Ñucami aceitehuan cahuishpa, israelcunata mandac cachun churarcani. Cambac amo Saulpac maquimantapish quishpichircanimi.

2 SAMUEL 14:13

Shina nicpimi, chai huarmica: —Jatun mandaclla, ¿imamantatac Dios acllashca runacunataca llaquichinata yuyacungui? Can jatun mandacllatac nishca shinaca cambac churita shuctac llactamanta mana cutimuchun saquishpaca, canllatacmi mana allita ruhuangui.

2 SAMUEL 23:1

David rimashca tucuri shimicunaca caicunami: Davidca Isaipac churimi, Dios allipi churashca runami. Jacobopac Diosmi paitaca, paipaclla cachun, aceitehuan cahuirca. Israelpurapica, sumacta cantacmi.

2 SAMUEL 24:17

Ángel gentecunata llaquichishpa tucuchicucta David ricushpami Mandac Diostaca: —Riqui, ñucaca juchallishcanimi, ñucami mana allita ruhuacca cani. Cai yangalla gentecunaca ¿Imatatac ruhuashcayari? Llaquichina cacpica Ñucata shinallatac ñuca huasi ucupurata llaquichiyari— nirca.

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

2 SAMUEL 6:21

Shina nicpimi Davidca: —Mandac Diospac ñaupapimi danzarcani. Chaica Mandac Diosmi cambac taitapac randi, paipac familiapac randi Mandac Dios acllashca israelcunata mandachun ñucata acllarca. Chaimantami Mandac Diospac ñaupapi danzashpa catisha— nirca.

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

1 CRÓNICAS 17:7

Chaimanta ñucata servic Davidtaca: “Ñucami cantaca ovejacunata michishpa puricucpi, ñuca acllashca israelcunata mandac cachun acllarcani.

1 CRÓNICAS 21:17

Chaipimi Davidca Diostaca: —Gentecunata yupachunca ñucami mandarcani. Ñucami jatun mana allita ruhuashpa, juchata ruhuarcani. Ashtahuanpish cai gentecunaca ¿ima mana allitatac ruhuashcayari? Ñuca Mandac Dioslla, ñucata, ñucapac huasi ucupurata cambac maquihuan llaquichilla. Ashtahuanpish ama can acllashca gentecunataca jatun mancharina ungüihuan llaquichichu— nirca.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

HECHOS 7:46

Mandac Davidmi Dios cuyashca cashpa, taita Jacobo alli nina Mandac Diospac huasita ruhuangapac mañarca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.

1 SAMUEL 9:16

«Caya cai horasllatacmi Benjamín aillupac llactamanta shuc runata cambacman cachasha. Paitaca ñuca acllashca israelcunata mandac cachun aceitehuan cahuingui. Paimi ñuca acllashcacunataca filisteocunapac maquimanta quishpichinga. Ñuca acllashcacuna llaquilla causacushcata ricushcanimi. Paicuna caparishpa mañashcaca ñucamanmi uyarirca» nirca.