2 SAMUEL 7:25 - Dios Rimashcata Quillcashcami

²⁵ Cunanca Mandac Dioslla, canta servic ñucamanpish, ñuca huasi ucupuramanpish imata ruhuasha nishcataca can munashca shina huiñaipac ruhuailla.

2 SAMUEL 7:25 Iomraidhean Croise

GÉNESIS 32:12

Canca ñucataca: “Imapipish allicunata cushpami pushasha. Cambac huahua huahuacunataca mama cucha tiyu shina, mana yupaipactami mirachisha” nircanguimi— nishpami mañarca.

2 SAMUEL 7:24

Can acllashca israelcunataca huiñaita cambaclla causachunmi churashcangui. Mandac Dios chashna ruhuashpami, paicunapac Dios tucurcangui.

2 SAMUEL 7:26

Cambac shutica huiñaita alli nishca cachun. Shinallatac: “Israelcunapac Diosca tucuita Mandac Diosmi” nichuncuna. Canta servic ñuca huasi ucupuracunapish sinchi cachun.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 8:26

Shina cashcamanta israelcunata Mandac Dioslla, cunanca canta servic ñuca taita Davidman cushami nishcataca pactachiyari.

2 CRÓNICAS 6:17

Shina cashcamanta israelcunata Mandac Dioslla, cunanca canta servic ñuca taita Davidman cushami nishcataca pactachi.

SALMOS 119:38

Can imata cusha nishcataca canta manchac canta servicman pactachiyari.

SALMOS 119:49

Canta servic ñucaman can cusha nishcataca yuyariyari. Ñucaca chai yuyaillami shuyacuni.

EZEQUIEL 36:37

Mandac Dios ñucaca: Israelcuna cutin ñucata mañashcata uyashpami, ovejacunata mirachic shina mirachisha.

1 SAMUEL 1:23

Shina nicpi, paipac cusa Elcanaca: —Canman ashtahuan alli canata ruhuailla. Shinashpaca cai huahuata chuchumanta raquingacaman saquirilla. ¡Mandac Dios pai ruhuasha nishcataca pactachishpami alli canman!— nirca. Shina nicpimi, Anaca huasipi saquirishpa paipac cari huahuataca chuchumanta raquiringacaman huiñachirca.