2 SAMUEL 7:18 - Dios Rimashcata Quillcashcami

¹⁸ Chashna huillacpi, David Mandac Diospac ñaupaman yaicushpaca: «Mandac Dioslla, ñucapish, ñuca huasi ucupurapish, ¿ima cacpitac caiman cayachircangui?

2 SAMUEL 7:18 Iomraidhean Croise

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

GÉNESIS 32:11

Cunanca, ñuca huauqui Esaú shamushpa, ñuca huarmicunatapish, ñuca huahuacunatapish huañuchinatami manchani. Ñuca huauqui Esaú shamushpa, huañuchinamanta quishpichinguiyari.

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

2 SAMUEL 7:17

Natanca tucui uyashcacunataca muscuipi ricurishca shinallatacmi Davidman huillarca.

1 CRÓNICAS 17:16

Chashna huillacpi, David Mandac Diospac ñaupaman yaicushpa tiyarishpaca: «Mandac Dioslla, ñucapish, ñuca huasi familiapish, ¿ima cacpitac cai tucuita ruhuanguiyari?

1 CRÓNICAS 29:14

Ñucapish, tucui gentecunapish tucui caicunata quiquin munaihuan canman cungapacca ¿imata canchicyari? Caicunaca cambacllatacmi. Canmanta japishcallatatacmi canman cunchic.

SALMOS 8:4

Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.

ÉXODO 3:11

Shina nicpimi, Moisesca Mandac Diostaca: —Faraonpacman rishpa, Egiptomanta israelcunata llucchimungapacca, ¿ñucaca imatac caniyari?— nirca.

ISAÍAS 37:14

Ezequías jatun mandac cachashca quillcata paicunapac maquimanta japishpa rezashpaca, Mandac Diospac huasimanmi huichai rirca. Chaipimi chai quillcataca Mandac Diospac ñaupapi pascarca.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

JUECES 6:15

Shina nicpimi Gedeonca: —Ñuca amitolla, ¿ñucaca ima shinatac israelcunataca quishpichishayari? Ñucaca Manasespac aillupurapica ashalla familiami cani. Chaipac jahuapica ñuca huasi ucupuramantaca ñucami tucuimanta yalli uchilla shina cani— nirca.

RUT 2:10

Shina nicpi, Rut pambacaman cumurishpaca: —Can ñucata alli chasquichunca, ¿imamantatac cambac ñahuipi alli ricurircaniyari? Ñucaca shuctac llactamanta shamushcallami cani— nirca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 18:18

Shina nicpimi, Davidca Saultaca: —Jatun mandacpac yerno tucungapacca ¿Ñucaca pitac caniyari? ¿Ñuca taitapac familiacunapish, israelpurapica imatac canyari?— nirca.

1 SAMUEL 9:21

Shina nicpimi Saulca: —¿Ñucaca manachu tucui Israel aillupuramanta yalli ashalla cac Benjaminpac aillupura cani? ¿Manachu ñuca huasi ucu familiaca tucui Benjamín aillupuramanta ashtahuan uchilla? ¿Ima nishpatac caitaca ninguiyari?— nirca.